Dizionari de Lenghe Furlane

displasê²  dis|pla|sê  [FO]

1. s.m. sintiment o sensazion di dolôr, delusion, contrarietât e v.i.:  si capive, te fantate, il grant displasê di vê lassât la mari (Maria Forte, Cjase di Dalban); la frute e à vaiût fin cumò di displasê (Costantino Smaniotto, Co l'amôr al cimie); pâr, che prin di lâ frari, al vebi vût tal mont cualchi grant displasê… un displasê che ancjemò nol po o nol vûl dismenteâ (Zuan Lurinçon, La Madalene)
   Sin. aflizion , amarece , aviliment , avilizion , cruzi , dulie , gramece , lancûr , magon , maluserie , marum , pene¹ , smare , torment , ingôs , lambic , dispiet , fastidi , soference , patiment
2. s.m. fat o situazion che a fasin mâl, che a fasin dam e v.i.:  tu e chei altris o sês di chei che no vuelin fâ mâl a di nissun, che no vuelin vê displasês cun nissun (Josef Marchet, Lis predicjis dal muini)
   Sin. disgracie , malan , malepasche

Polirematichis e espressions idiomatichis

• lâ in displasês loc.v.

Proverbis:

• a fâ un plasê, si cjape doi displasês
• no si à mai un plasê che nol sedi un displasê
• se si à voie di un displasê, si à di lâ ca dai parincj