aviliment
/-ènt/
a|vi|li|ment
[AF]
-
s.m.
stât psicologjic o psicofisic caraterizât di mancjance di ligrie, sperance, positivitât:
Toni le veve propit dade sù. Si jere pleât al dut. Al capive che, aromai, nol saveve cjapâ ben ne la vite ne la muart. Un aviliment ben ribatinât ta la anime (Maria Forte, Mabile la Lunghine);
puedio confessâ che mi son spontadis dôs lagrimis di aviliment? (Arturo Feruglio, Viaç a Vignesie)
Sin. avilizion
, disconfuart
, abatiment
, prostrazion
, sconfuart
, scuniment
Cfr. disperazion
, sfiducie
, depression
, esauriment
-
ce che al prodûs chel stât:
une ostarie vueide e je un aviliment (Riedo Pup, I furlans e la ostarie)