disperazion
/-òn/
dis|pe|ra|zi|on
[AF]
-
s.f.
dolôr psicologjic caraterizât de pierdite o de mancjance di ogni sperance:
Marie e tornà viers cjase come che e veve dite, involuçade intune cape nere di disperazion che le compagnà fin sot des cuviertis (Raffaele Serafini, Soreli jevât a mont);
al sintive dentri la disperazion e la solitudin di agn e agn, che a jerin cressudis dentri di lui come jerbis matis parsore une maserie (Carlo Sgorlon, Prime di sere)
Sin. abatiment
, aviliment
, avilizion
, depression
, disconfuart
, marum
-
robe o situazion che e fâs mancjâ lis sperancis:
o cognòs int ator pal mont che mi conte la disperazion là che a vivin e la sperance di tancj di lôr di migrâ (Dree Venier, Aghe dal Friûl in Sudameriche)
-
s.f.
(fig., ancje scherç.)
persone o robe che e fâs disperâ:
chel om al è la mê disperazion (Gianni Gregoricchio, Trê feminis);
fi sôl, contentât, al jere la consolazion e la disperazion di so pari e di sô mari (Pieri Somede dai Marcs, La ultime baronade)
Sin. disgracie
-
persone disperade:
invezit di dâi animo a chês frutis, tal saludâlis al vaìve plui di lôr, une disperazion, puôr om (Alan Brusini, Come tai romançs)