depression
/-òn/
de|pre|ssi|on
[CO, TS]
-
s.f.
gjeogr.
sbassament naturâl dal teren, ancje sot dal nivel dal mâr:
tor 210 milions di agns indaûr in Cjargne si è formade une depression pes tensions de croste terestre che a jerin leadis cul vierzisi de Neotetide e dal Ocean Atlantic centrâl. Cheste depression, jemplade dal mâr, e je clamade Bacin Cjargnel (Francesco Gobbo, Gjeologjie e paleontologjie ator di Preon)
-
s.f.
econ.
fase basse di un cicli economic:
la emigrazion […] e je stade la "valvule di sbroc" in moments di grande depression economiche (Dree Valcic, Scuvierzìn daurman la nestre vacine)
Cfr. crisi
, recession
-
cundizion di sotsvilup:
[…] la sô denunzie continue des responsabilitâts politichis di vê lassât e di continuâ a lassâ il Friûl in cundizion di depression economiche e culturâl […] (Adrian Cescje, Tal non di Fausto Schiavi)
-
s.f.
meteor.
nivel di pression de atmosfere bas, tant che al mene brut timp:
al anticiclon frêt rus i fâs cuintri une fasse di depressions atlantichis (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
fis., tecn.
pression plui basse di chê atmosferiche
-
s.f.
med., psic.
cundizion di aviliment profont, di malinconie costante, ancje cence une cause direte che si rivi a individuâ:
la strachetât de anime, il sfiniment psicologjic, la depression, il sens de inutilitât dal vivi, il pês de vite, la mancjance di prospetivis e di sperancis (Antoni Beline, Sant Jacum, là che al finìs il mont);
un disecuilibri dal umôr cun moments di euforie che si alternin a moments di depression (Franc Fari, Il cjâf dai furlans)
Sin. abatiment
, avilizion
, disconfuart
, flegme
, sconfuart
, scuniment