crisi
cri|si
[FO]
-
s.f.
moment o fase di grande dificoltât, di mudament improvîs e traumatic:
la crisi di identitât, fintremai di chei agns, e puartarà i zovins a jessi simpri plui sotans de ideologjie e dai modei ocidentâi e a refudâ il mût di vivi e i lavôrs tradizionâi dai lôr paris (Fabian Ros, E la Groenlande e tacà a sunâ te sô lenghe);
int che e je lontane di chi cuarante cincuante agns e à une nostalgjie di sofrî ogni volte che e cjate un che al rive di chenti. O vin chestis crisis, cence nissune pôre (Francesc Placerean, Nadâl nus fâs capî che la storie e je plui profonde e biele di chel che e somee);
une zovine che jere in crisi cul morôs. Lui al leve a cjalâ lis partidis di balon e le lassave bessole, cussì jê e vignive a confuartâsi cun me (Checo Tam, La maree nere);
pre Checo al à dimostrade capacitât di mediazion tal Moviment Friûl in tantis crisis internis passadis, al à metude la sô inteligjence e la sô personalitât par mantignî la unitât dal partît (Adrian Cescje, Memoriis di politiche linguistiche)
Sin. berdei
, comozion
, confusie
, confusion
, conturbie
, discomut
, malciertece
, malcuietece
, maljessi
, malsigurece
, malstâ
, messedament
, sbisium
, smalitament
, stente
-
s.f.
[CO, TS]
med.
evoluzion svelte e parossistiche di une malatie:
Plui dispès la cause des crisis psicomotoriis e je une epilessie dal lobi temporâl (Franc Fari, Il cjâf dai furlans)
-
s.f.
manifestazion emotive no spietade e violente:
Paolo mi veve fat sentâ e al veve spietât cun pazience che mi passàs la crisi. Dopo al veve insistût di compagnâmi lui a Lauçane. Jo i vevi berlât un "No!" cussì sec, che lui si jere spaurît (Gianni Gregoricchio, Trê feminis);
e treme e si inacuarzisi che je sul ôr di une crisi isteriche (Sandri Di Suald, Ah! la provincie)
Sin. atac
, sbroc
, sbrocade
, sbrocament
, sfogade
, spacade
, crisi di gnerfs
-
s.f.
[CO, TS]
econ.
depression dal sisteme economic, causionade dal disecuilibri fra domande e ufierte:
la crisi mondial dopo dal 1929 e sierà la migrazion, e la miserie e obleà i furlans a restâ a cjase (Francesc Placerean, Cuintristorie dal Friûl dal 1866 fint in dì di vuê)
Sin. bassane
, crisi economiche
, depression
, recession
-
fase negative di un setôr:
stant la crisi de edilizie in Friûl ta chel an, l'apartament di vie Volturno al fo un afâr pe Cooperative di informazion furlane (Max Mauro, Un Friûl difarent: i 90 mhz di Onde Furlane);
e vignarà la crisi de edilizie
-
s.f.
[CO, TS]
polit.
contrast politic internazionâl che al podarès puartâ a une vuere:
la crisi mediorientâl dal 1973 e scree un periodi di grande espansion de economie venezuelane, che no si fonde suntune cressite economiche, ma pluitost su la cressite de rendite petrolifare (Francesco Fait, La emigrazion furlane in Venezuela)
-
s.f.
[CO, TS]
situazion li che une o plui fuarcis politichis che a poin un guvier o une aministrazion a vuelin ridiscuti lis cundizions, cu la alternative di ritirâ la lôr poie e di fâ colâ il guvier o la aministrazion:
a son tabaiadis che a fasin ducj i segretaris, ducj i vicesegretaris e ducj i delegâts di ducj i partîts. Sun chei problemis li, massime su la onestât, sul spirt di servizi, su la eficience, su la urgjence di dâi sot, su la vergogne di vê fat par cuarante agns une crisi ogni nûf mês, a fevelin ducj compagns e compats. A somein un partît sôl (Riedo Pup, Sot vie o injenfri)
Sin. crisi di guvier