Dizionari de Lenghe Furlane

confusion  /-òn/  con|fu|si|on  [FO]

1. s.f. mancjance di ordin, soredut cuntune grande cuantitât di robe o di int:  ce confusion ta chê cjase. Il fi al tignive verementri dut, ancje une scjatulete di Simmenthal vueide (Checo Tam, Sic transit gloria mundi); rivade in chê cjase plene di robe e di confusion, e [...] à capît che, par salvâ la barache, i tocjave di cjapâ il tamon e tignîlu strent tes sôs mans (Josef Marchet, Lis predicjis dal muini); misturât ta che confusion di int, il plevan si fasè indenant par sintî miôr il fevelâ di Toni (Tarcisio Venuti, La cjase di Toni)
   Sin. babilonie , badaluc , balfuerie , barafuse , batibui , bordel , casin , confusie , conturbie , daidai , davoi , disordin , marcjât¹ , messedot , mismàs , pastiel , ribalton , savoltament , sdavàs , sdavassum , sgjarnum , tananai , tibidoi
   
   1. situazion li che lis robis a sucedin cence jessi spietadis, cence ordin, cence control:  par altri, sul moment de confusion, si sa, si pense simpri al piês (Riedo Pup, La passare di Dedeà); a chest pont il Genoa al torne a puartâsi indenant, ma lu fâs cun masse confusion (Marc Stolf, Genoa - Udinese 1-1)
2. s.f. cuantitât di suns, di rumôrs, di discors, di azions che no si rivin a distingui ben:  la confusion dal locâl no mi da fastidi, anzit, mi fâs compagnie (Alan Brusini, Gian Paolo Linda, I forescj)
   Sin. babilonie , badaluc , balfuerie , barafuse , batarele , batibui , berlarili , bordel , casin , cjassade , daidai , davoi , diauleri , fuligate , marcjât¹ , martinade , pestefole , rumôr , sinagoghe , tananai , tibidoi , tirepare , tireparemessede , confusie
3. s.f. il cjapâ une robe o une persone par altre, il considerâ la stesse robe robis che a son diferentis:  l'adietîf storichis, che te Leç 482/1999 al va parie cun minorancis linguistichis, al jude [...] par evitâ malintindiments e confusions cui grups di imigrazion resinte (Marc Stolf, Minorancis linguistichis); la int no veve fat confusion fra fieste e dîs de vore, come cumò. Vie pe setemane e lavorave vistude dîs de vore, e la domenie si vistive di fieste par fâ fieste (Riedo Pup, I furlans e la mode)
4. s.f. stât mentâl li che lis robis no vegnin pensadis o valutadis cun serenitât e clarece:  ducj chescj pinsîrs le vevin ridote a vivi intun stât di confusion fra i doi monts, chel dai vîfs e chel dai muarts, chel de sperance e chel dal sconfuart, chel de realtât e chel dai siums. No rivave plui a dividiju fra di lôr (Roberto Ongaro, Il muc); ce si sintivial tal cjâf, Sandri, in chel moment? Di sigûr, dome une grande confusion. Fuarte e jere dome la voie di saltâ fûr ae svelte di chel ingredei spinôs (Maria Forte, Cjase di Dalban)
   Sin. conturbie , discuinç , imbaraç , messedament , ribalton , savoltament , sconciert , turbament , confusie

Proverbis:

• dulà che e je int e je confusion