bordel
/-èl/
bor|del
[CO]
-
s.m.
ambient, edifici, apartament e v.i. li che a son personis che si prostituissin:
a fasin il zîr des ostariis, di un bordel a van intun altri (Fabian Ros, A esmorga);
mi cjatai a cressi intun bordel, a Once, cun mê mari e un trop di agnis adotivis (Guido Carrara, Raff BB Lazzara, Gilda)
Sin. cjase di apontaments
, cjase di consolazion
, cjase di tolerance
, cjase sierade
-
s.m.
(fig.)
lûc o situazion dulà che e je une vore di confusion, di disordin e v.i.:
e rivarà la solite slavinade di cjarte stampade sù pai mûrs e di cjacaronadis tai comizis. Mari sante benedete, ce bordel une altre volte! (Josef Marchet, Il strolic al pronostiche);
la stanzie e jere pardabon un bordel
Sin. babilonie
, casin
, mismàs
, davoi
, badaluc
, cjadaldiaul
, tananai
, desio
, disio
, pastiel
-
sunsûr fuart e che al da fastidi:
in plene gnot si scjadene il cjadaldiaul; covertoriis, pignatis e bandons a fasevin un fracàs, un bordel che si podeve sintîlu fin sul Cuarnan (Pieri Menis, Chei di Muraie);
la not a si screava e i cjavai a corevin tant co ombri siliadi tal scûr; la strada a rondalava via nera e il sunsûr da li radi al deventà un bordel cuant che la cjaroça a si invià pa la strada strenta da la val (Novella Cantarutti, Il maestri di teraçs)
Sin. batibui
, davoi
, sunsûr
, tananai
, diauleri
, fracàs
-
agjitazion o reazion esagjerade:
chei altris operaris si jerin tirâts dongje e ancje lôr i disevin che le finìs di fâ tant bordel, che la colpe e jere ancje sô (Carlo Sgorlon, Prime di sere)
-
fieste sbrenade:
ator dal caratel un bordel di ligrie: come une grande famee in fieste (Pieri Menis, La gjaline robade);
lis frutatis e vegnin ca a pueste par fâ bordel, e il gramofono che i à dât tai gnarfs a di chê bestie di massarie l'è stât portât ancje chel a pueste (Costantino Smaniotto, Co l'amôr al cimie)
-
s.m.
(pop.)
cuantitât grande:
te place al jere un bordel di int
Sin. barcje
, casin
, cjadaldiaul
, disio
, muestule
, sglavin
, sdrume
, davoi