Dizionari de Lenghe Furlane

sglavin  /-ìn/  sgla|vin  [CO]

1. s.m. precipitazion cun ploie fuarte, ma che in gjenar e dure pôc:  al veve tornât a plovi, un sglavin cun tons e lamps (Mario De Apollonia, Il timp par ledrôs); al sglavin su li ombrenis al compagnava li preieris [dal funerâl] (Celso Macôr, Al nonu Bepo); lu ai viodût a cori sot de ploie a sglavin (Cristina Noacco, Faliscjis)
   Sin. plote¹ , scravaç , sploion , scjassade di ploie , sglavaç , sglavinade , scravaçade , slavuac¹ , spacade di ploie
   Var. slavin
   Cfr. ploie
2. s.m. (fig.) grande cuantitât:  i son capitâts, invezit, un sglavin di bêçs che, almancul par un pieç, al po marcjâse sence dipindi di nissun (Alviero Negro, Sigurazions); al à fat un sglavin di telefonadis (Checo Tam, La maree nere)
   Sin. grum , mont¹ , sdrume , tasse¹ , slac , sdrum , sdrumarie , sdrumerie , folc , sdavàs , slavin , pestefruce , slavine , sglavine , maree , mac , lavine , flagjel , stermini , distermini , disordin , côl , stragje , stragjo , sfulmin , sac , baûl , sglavinade , slavinade , straviodi² , disio , fruce

Proverbis:

• nûl a scjalins ploie a sglavins
• nûl a scjalins, ploie a sglavins; nûl a barcjons, ploie a bleons