Dizionari de Lenghe Furlane

stermini  /-mì-/  ster|mi|ni  [CO]

1. s.m. copament sistematic di un grant numar di personis o in câs di altris vivents:  vie pal 1477, la marmaie dai Turcs a son capitâts ca in Friûl, […] a àn fat un stermini di nemâi e di cristians (Nin dai Nadâi, I Turcs sù pe Tresemane)
   Sin. distermini , maçalizi , stragje , stragjo , massacri
   Var. estermini
   
   1. distruzion massive ancje di alc che no sedin individuis vivents:  dabon che mi svergonzi di sei fra tante indolence, fra int, che sta indiferent cu lis mans tes sachetis a chest stermini de campagne (Giuseppe Ferdinando del Torre, Il contadinel. Lunari par l'an 1871)
2. s.m. grande cuantitât:  binaris che e rivavin di diestre e di çampe, passant dentri un stermini di casopis bassis, cuviertis di stranc, sblancjadis di nêf (Pieri Menis, Il «miracul» di un ûf); surîs a miârs e un stermini di furmiis, che la jarbe e je dute nere (Alan Brusini, Un dai pôcs)
   Sin. sdrum , sdrume , sglavin , distermini , stragje , sdrumarie , sdrumerie , tasse¹ , slac , stragjo , disio , desio , disordin , sdavàs , sfulmin , slavin , grum , mont¹ , folc , pestefruce , slavine , sglavine , maree , mac , lavine , flagjel , côl , sac , baûl , straviodi² , dilembo