Dizionari de Lenghe Furlane

distermini  /-mì-/  dis|ter|mi|ni  [CO]

1. s.m. copament sistematic di un grant numar di personis o in câs di altris vivents:  dilunc il guvier dai "Zovins turcs" [...] a ordenarin il distermini dai Armens (Renzo Balzan, La shoah dai armens)
   Sin. stermini , maçalizi , stragje , stragjo , massacri
2. s.m. grande cuantitât:  "E cun cui vevial tacât bataie?" "Cundun distermini di barbars, che il diamber al veve scorsonât culenti" (Giuseppe Dondo, Le curiositât sacomade)
   Sin. sdrum , sdrume , sglavin , stermini , stragje , sdrumarie , sdrumerie , tasse¹ , slac , stragjo , disio , desio , disordin , sdavàs , sfulmin , slavin , davoi , flum , flumere , montane , brentane , grum , mont¹ , folc , pestefruce , slavine , sglavine , mac , lavine , côl , straviodi² , maree