Dizionari de Lenghe Furlane

davoi  /-ò-/  da|voi  [FO]

1. s.m. lûc o situazion dulà che e je une vore di confusion, di disordin, di int che e 'simine e v.i.:  cun dut chel davoi de ritirade, nissun saveve plui nuie dai soldâts sul front (Roberto Ongaro, Il muc); al tornà a pît tal albierc. Là vie al jere un grant davoi, ducj voleve savê alc, ducj voleve fâ alc (Agnul di Spere, Messe di misdì a Varsavie)
   Sin. babilonie , casin , mismàs , bordel , badaluc , cjadaldiaul , tananai , desio , disio , pastiel , daidai , confusion , confusie
   Var. davuei , davuai
   
   1. sunsûr fuart e che al da fastidi:  dutis chês sioris a ti fasevin un davoi di vôs (Alan Brusini, Come tai romançs); lôr ti businin, par fâsi sintî parsore dal davoi dal elicotar (Raffaele Serafini, Contis sot spirt)
      Sin. batibui , bordel , sunsûr , tananai , diauleri , fracàs , bacan²
   2. agjitazion o reazion o discussion une vore ferbinte:  e sintive il davoi che a fasevin abàs di volte in volte i fradis, lis sûrs e i cugnâts par podê dividisi [la ereditât] (Pieri Menis, Il testament); al baste viodi il davoi che al è saltât fûr par chê ufierte di lavôr li che si domandave la cognossince de lenghe furlane (Serena Fogolini, RAI par furlan. «E je ore di clamâ in cause i avocats»); duncje, intal cuarante al fo culì un grant davoi - intai documents scrits par talian si fevele di "sollevazione" (Alviero Negro, Int di masnade)
2. s.m. cuantitât grande:  dentri [te buteghe] al jere un davoi di cassis, di sacs, di cestis e plenis dutis lis scansiis (Dino Virgili, La aghe da pît la cleve)
   Sin. barcje , casin , cjadaldiaul , disio , muestule , sglavin , sdrume , bordel