Dizionari de Lenghe Furlane

babilonie  /-ò-/  ba|bi|lo|ni|e  [CO]

1. s.f. puest o situazion plen di confusion, di disordin, di int che e fâs sunsûr:  cjavai, caretons, camions, trainos di artiliarie, dut un sbandament, une babilonie malandrete e la fumate che si disfave intune ploie frede nus jentrave tai vues (Pieri Somede dai Marcs, Sant Simon: 28 di Otubar 1917)
   Sin. badaluc , balfuerie , barafuse , batibui , berlarili , bordel , cancan , caos , casin , cjadaldiaul , confusion , daidai , davoi , diauleri , disordin , fuligate , infier , mismàs , montafin , pastiel , ribalton , sdavassum , tibidoi , vosarie
   
   1. grant disordin o confusion rumorose:  la musiche e cambie cul vosarili di cinc fruts che a zuin di balon. […] Un si disconcentre tes sôs robis, fintremai a sustâsi di dute la babilonie di chei frutaçats (Ivano Urli, I ordenâi)
   2. situazion fûr di control:  dal Tresinte l'Imperi al jere in plene babilonie (Josef Marchet, Cuintristorie dal Friûl fin sot la Italie)