Dizionari de Lenghe Furlane

caos  ca|os  [CO]

1. s.m. [TS] filos. daûr di ciertis cosmogoniis, materie no struturade prin de formazion dal mont
   
   1. complès di manifestazions disarmonichis, che no rispuindin a nissun ordin:  e jere une potence divine [Apol Delific] che e manifestave il Logos de armonie, de misure, de bielece che e domine il caos (Adrian Cescje, Viaç aes origjins dal Logos)
2. s.m. (fig.) grande confusion:  la Italie e je il paîs de confusion, dal caos, dal pressapôc, dal nie sigûr (Riedo Pup, La none in cuço e Cutolo assolt)
   Sin. babilonie , baraonde , batibui , bordel , casin , cjadaldiaul , codebuie , confusie , confusion , conturbie , daidai , disio , dissest , marcjât¹ , messedot , mismàs , mulin , pastiel , pestefole , pestefruce , ribaltament , ribalton , 'savai , 'savalêt , savoltament , sdavàs , sdavassarie , sdavasson , sgjarnum , tananai , tibidoi