Dizionari de Lenghe Furlane

casin  /-ìn/  ca|sin  [CO]

1. s.m. piçule cjase o piçule costruzion, ancje no par vivi, ma cun funzions di magazen, o par fâ cualchi ativitât:  cui che viôt Darte in zornade di vuê, plene, folcjade di palaçs, di casins e cjasaments di trê cuatri plans dal un, e nol si imagjine di sicûr ce che jere Darte (Giovanni Gortani, La sbigule - Une gnot tun broili)
2. s.m. cjase di prostituzion:  e cumò par salvâ la morâl dal patatrac / i volês strucâ da nûf intun casin / chês frutas che a la vendin par un franc? (Giorgio Ferigo, Sul stamp di Carlo Porta); e lore nô ce ur contìno? Che o nin a viodi il mâr di Gardiscje, il Cjars in flôr, che o sin omo-porno-hard-hard-stars, strapaiâts di un casin di Nova Gorica […]? (Stiefin Morat, Donald dal Tiliment)
   Sin. bordel
3. s.m. (fig.) lûc o situazion dulà che e je une vore di confusion, di disordin, di int che e 'simine e v.i.:  il nestri studi al jere un casin di int che leve e e vignive cun cjacis e modons, bicicletis, furlans e africans che a fasevin discors murlacs (Natascia Gargano, 35 agns di Onde Furlane)
   Sin. babilonie , davoi , mismàs , bordel , badaluc , cjadaldiaul , tananai , desio , disio , pastiel
   Var. davuei , davuai
   
   1. sunsûr fuart:  al cres il casin, si batin lis mans e ancje i pîts par tiere (Carlo Tolazzi, La salamandrie tal fûc); intant fûr in strade al jere il solit casin de bande che e sunave (Stiefin Morat, Microrivoluzions)
      Sin. batibui , bordel , sunsûr , tananai , diauleri , fracàs , bacan²
   2. agjitazion o reazion o discussion une vore ferbinte, disordenade, fûr di control:  "[…] No volarès che o fasessis casin tal ambient" (Roberto Ongaro, Il muc); a son rivadis lis peraulis de ministre Boschi: nol è plui il câs di mantignî lis regjons a statût speciâl. E je tornade indaûr daspò cualchi ore parcè che al jere vignût fûr un casin (l'Om di Buri, In non dal pari e dal Trivenit)
4. s.m. situazion, azion o consecuence di une azion problematiche, fûr di control, cun pôc sintiment, che al è dificil di meti a puest e v.i.:  no nome si met tai casins lui, ma prin ancjemò di tacâ ti à metût tai casins te (Stiefin Morat, Donald dal Tiliment); "Dute la storie dal mont si concentre tun caratel di miarde che si messede sotsore pes ribis des nazions: îr la vuere, vuê la pâs. Ma la miarde e je simpri chê! Bah… ce casin di mont!" (Tarcisio Venuti, La cjase di Toni)
5. s.m. cuantitât grande:  tal conciert e sarà un casin di int
   Sin. barcje , davoi , cjadaldiaul , disio , muestule , sglavin , sdrume , bordel

Polirematichis e espressions idiomatichis

• lâ in casin loc.v.