cjadaldiaul
/-àul/
cja|dal|diaul / cja|dal|di|a|ul
[AF]
-
s.m.
puest dulà che al sta il diaul, infier, ancje cence preposizion cun valôr locatîf:
«Parcè varessio di vê pôre [di Diu]?» dissal «E po, ancje chei che a crodin no àn propit pôre di lui, ma dal cjadaldiaul […]» (Maria Forte, La tiere di Lansing)
Var. cjadaldiau
, cjadeldiaul
-
s.m.
(fig.)
puest une vore lontan e isolât, ancje cence preposizion cun valôr locatîf o di adi.inv.:
lis dôs frutis, maridadis cuntune cierte presse, a jerin partidis une di ca, vonde dongje, e une di là, a cjadaldiaul (Franca Mainardis, Aiar di cjase);
se savevi cussì no fasevi nancje davoni chei doi nuviei che o ai là sù a cjadaldiaul dongje il bosc (Luigi Gortani, La ospitalitât);
i mascjos ju inviarin vie cjadaldiaul par dut altri che par lâ a cuistâsi in pâs un pagnut (Meni Ucel, La "Fieste dai Roncs");
culì ducj a van in puescj cjadaldiaul in biciclete (Laurin Zuan Nardin, Migjee)
-
s.f.
(fig.)
confusion grande, grant moviment e sunsûr disordenât di int o di robis:
dute une rivoluzion, dut un taramot, […] un cjadaldiaul discjadenât, un montafin (Josef Marchet, Il cancar);
in mancul che si sta a dîlu, al nas un cjadaldiaul e un clamâsi, e dut ator un vuacâ di cjans peâts aes cjadenis (Pieri Menis, Doro)
Sin. desio
, disio
, infier
, messedot
, mismàs
, pastiel
, sdavassum
, sgjarnum
, casin
, confusion
, daidai
, ribalton
, agjitazion
, babilonie
, balfuerie
, badaluc
, batibui
, birdel
, confusie
, tananai
, tibidoi
, tirepare
, tireparemessede
, mulin
-
s.m.
(fig.)
cun valôr gjeneric, riferît a cualsisei robe negative:
cenonè, no mi sintio plombâ a bot plen su la schene un cjadaldiaul e o tomboli par tiere (Ivano Urli, Storie di Min)
Sin. osti
Proverbis:
- a preâ e altri ben no fâ, a cjadaldiaul no si fâs di mancul di lâ
- beâts chei fîs che a àn lôr pari a cjadaldiaul
- di bogns proponiments al è plen cjadaldiaul
- di buine volontât al è plen cjadaldiaul
- il selino e i savôrs a van cincuante dîs a cjadaldiaul prin di nassi