agjitazion /-òn/ a|gji|ta|zi|on [CO]
- s.f. cundizion di savoltament emotîf, di gnervôs, di tension e v.i.: si sintive intorsi une agjitazion di no podê parâsi e di vê dibisugne ancje di un calmant (Jolanda Mazzon, Di là de rêt)
- s.f. fat che al conturbe l'ordin sociâl: intun secul di agjitazions e di sbalgjos e je stade fate in Italie une unificazion politiche e aministrative, no une unitât di spirt, di aspirazions e nancje di interès (Josef Marchet, A scuele di autonomie)