infier
/-èr/
in|fier
[AF]
-
s.m.
lûc che, daûr de concezion cristiane, al è destinât pe danazion eterne dai pecjadôrs e des entitâts che si son rivoltadis cuintri di Diu:
"A mi mi pâr che il Signôr al è paron di mandâ no tal infier, ma ancje a gnargnic, che al è mil miis plui inlà, cui che dal folc al vûl, cence che a noaltris nus vebi di impuartâ une pipe. So no, staressin frescs, culì in paradîs!" (Luigi Gortani, La invidiose);
un puest di dolôr come l'infier, al sarès une magle, une ombre tal biel e te lûs di dut (Maria Forte, La tiere di Lansing)
Sin. cjadaldiaul
Var. unfier
, infiern
, unfiern
Cfr. gnargnic
-
s.m.
(fig., ancje iperb.)
lûc, acjadiment caraterizât di fûc, violence e v.i.:
a pâr coma che ducju i pacancavins da la Pifania a brusin insiemit ta un colp! I soi duta imbarlumida, i no jôt pi nuia! Se infier di flamis (Pier Paolo Pasolini, I Turcs tal Friûl);
sot chel fracàs, sot chel infier scjadenât, a Pâl Piçul, si combateve rimpinantsi sui crets, tarombolantsi te nêf deventade rosse di sanc, semenade di muarts e di ferîts (Pieri Menis, Funerâl a Pâl Piçul)
Sin. cjadaldiaul
-
s.m.
(fig., ancje iperb.)
lûc, cundizion, situazion e v.i. che a fasin patî, che a son une vore negatîfs, che no si rive a sopuartâ:
i mês che [so fi] al veve stât vie in vuere, a jerin stâts, par jê, un infier di pôre di ansie, di spiete, di baticûr (Roberto Ongaro, Il muc)
Sin. crôs
, patiment
, cjastì di Diu
, cruzi
, cjastî
, flagjel
, tribul
, torment
, persecuzion
, lambic
, martueri
, maledizion
, danazion
, condane
, disgracie
, cruzie
, tumie
, soference
, agonie
, pene1
, pinitince
Polirematichis e espressions idiomatichis
Proverbis:
- cui che al vûl provâ lis penis dal infier che al fasi di Istât il fari e il cjaradôr di Invier
- il pedrât dal infier al è fat cu lis crepis di fornârs, mulinârs e ostîrs
- in paradîs si stufisi, tal infier si usisi
- la femine e je il paradîs dal cuarp, il purgatori de borse, l'infier da la anime
- lis feminis a son il paradîs dal cuarp, il purgatori de borse e l'infier da la anime