condane
/-à-/
con|da|ne
[AF]
-
s.f.
il condanâ, il jessi condanât, la sentence che e ricognòs une colpe e che e fisse une pene:
i vignive ad a ments il vaî disperât di jê, cuant che i vevin lete la condane (Carlo Sgorlon, Prime di sere);
il procès al si concludè dopo la muart di Cavedalis cu la condane a restituî i bêçs (Giovanni Pillinini, Zuan Batiste Cavedalis - Une vite esemplâr)
-
pene:
el Steno al è passât sot procès, ma al à cjapade une condane miserine miserine (Arturo Feruglio, Viaç a Vignesie)
Sin. pene1
, punizion
, cjastì
-
s.f.
opinion contrarie, disaprovazion:
i coments di Checo e dai doi fantats a lerin indenant par un pieç e a jerin ducj di critiche e di condane par Baldo e pal so compuartament (Roberto Ongaro, Cretevierte)
Sin. blasim
, critiche
, disaprovazion
-
s.f.
cundizion negative, ancje di dolôr, di torment:
no ai nancje la fuarce di jevâ sù par dâ une manade di clâf. A son cuasi doi dîs che no mangji. O vuei restâ bessôl cu la mê condane (Alan Brusini, Gian Paolo Linda, I forescj);
te condane di scugnî vignî a Vençon, al veve ancje il tornecont (Antoni Beline, Pre Pitin);
a mi mi pareve une condane tremende chê di no podêsi plui movi di bessole (Carlo Sgorlon, Il dolfin);
nine nane, nine nane, / o rosute dal gno amôr… / je la vite une condane, / dut a glorie dal Signôr (Zuan Nazzi Matalon, Ottorino Burelli, Sacheburache)
Sin. danazion
, persecuzion
, torment
, suplizi