Dizionari de Lenghe Furlane

pinitince  /-tì-/  pi|ni|tin|ce  [AF]

1. s.f. azion o opare che e derive dal displasê di une colpe, soredut cuintri de religjon, e che e cîr di compensâle o espiâle:  "Cussì cjâr Jacum" al finì il plevan, "cuant che o larìn a Madone di Mont in pelegrinaç, tu larâs sù cun doi fasûi tes çuculis". Il plevan i spiegà che la pinitince e jere pal so ben spirituâl e di acetâle cun pazience e dut a glorie di Diu (Angelo Covazzi, La pinitince)
   Var. penitence
   Cfr. cjastì , pene¹
2. s.f. rinunzie a alc, fate ancje no in relazion a di un pecjât specific:  la pinitince che e secjave di plui e jere chê volontarie: dizun e astinence. Volontarie par mût di dî si capìs. Parcè che la none e steve ben atente che nissun tocjàs nancje une cicine in zornade di vilie (Riedo Pup, I furlans e la pinitince)
3. s.f. intai zûcs dai fruts, prove o punizion che si impon a cui che al piert
   Sin. pegn
4. s.f. (fig., scherç.) robe o persone un grum fastidiose:  la vite si scunive. La gnot, invezit di jessi un salustri, e deventave une pinitince (Maria Forte, La tiere di Lansing)
   Sin. cjastì di Diu , cruzi , cjastì , flagjel , tribul , torment , persecuzion , lambic , martueri , maledizion , danazion , condane , disgracie , cruzie , tumie , soference , agonie , patiment , pene¹ , infier , crôs

Proverbis:

• cui che al à fat il mâl che al fasi la pinitince
• pecjât vieri e pinitince gnove
• prin il pecjât e po la pinitince