Dizionari de Lenghe Furlane

maledizion  /-òn/  ma|le|di|zi|on  [AF]

1. s.f. azion e formule di maledî, di augurâ il mâl, di invocâ une potence sorenaturâl cuintri di cdn. o cuintri di alc:  cuant che la strie si inacuarzè che a jerin passâts e butà fûr bavis di fûc da la bocje e e mandà une tâl maledizion a sô fie che al tramà dut il cîl…! (Alviero Negro, Riedo Pup, Blancje come la nêf)
   Sin. bramazion
   Var. maladizion , maludizion
   
   1. azion di une potence sorenaturâl che e puarte la disgracie su cdn. o su alc:  il mît di Babêl al sa di maledizion: il fat che Diu al vedi separadis lis fevelis, cussì come lis religjons, al è considerât une vore negatîf des glesiis di ogni fate (Walter Tomada, Gaston Dorren: «I furlans a àn di decidi se a son ancjemò une comunitât cuntune vision origjinâl dal mont»)
   2. destin contrari:  dopo e si starès spietant il les, ma, par maledizion, Prosdocim in chel dì al si ere cjapât sence cjar di manç (Giovanni Gortani, Il viaç di Vidisson)
      Sin. sfortune , disgracie
2. s.f. (fig., ancje iperb.) fat negatîf, che al puarte dam o che al da displasê:  mi ricuardi di un ciart Tinorio che fin da frutat si jere lassade jentrâ tai vues la maledizion di chel gust [la passion di oselâ] (Catarine Percude, L'oseladôr)
   Sin. disastri , disdite , flagjel , malepasche , montafin , tragjedie
   
   1. (ancje scherç.) persone o robe fastidiose, che no si rive a sopuartâle
      Sin. cjastì di Diu , cruzi , cjastî , flagjel , tribul , torment , persecuzion , lambic , martueri , pinitince , danazion , condane , disgracie , cruzie , tumie , soference , agonie , patiment , pene¹ , infier , crôs
3. s.f. azion e formule di imprecâ, di sbrocâ la rabie in gjenerâl o cuintri di une divinitât, dal destin e v.i.:  Inta val di Gjosafat si erin ingrumadis in chê dì une vore di animis, che za a vevin sintût la lôr condane e che a vaìvin a lagrimis di sanc, molant fûr maledizions e blestemis di fâ sgrisulâ (Luigi Gortani, La invidiose)
   Cfr. blesteme , mocul , porco , sacrabolt , bramazion
4. inter. esclamazion di rabie, fastidi, delusion e v.i.:  il cidinôr al è fruiât dal va e ven des machinis sul viâl Tresesin. Ancje a chê ore di gnot, chê strade no polse mai, maledizion! (Raffaele Serafini, B123ST); jo o ai pôre e pôre maledizion (Stiefin Morat, Donald dal Tiliment)
   Sin. folc , ostie

Proverbis:

• lis maledizions a van trê dîs par lûc, po a colin là che e je la colpe