Dizionari de Lenghe Furlane

ostie  /ò-/  os|ti|e  [FO]

1. s.f. [BF, TS] st.religj. vitime consacrade sacrificade a une divinitât
2. s.f. [TS] religj. Crist tant che vitime pe redenzion de umanitât
3. s.f. [AF, TS] lit. inte liturgjie catoliche, pan no jevât, in forme di cercli une vore sutîl, consacrât dât tal rituâl de comunion:  il Predi al cjol in man la Ostie e la benedìs (Zuan Batiste Galeri, Il furlan a messe); in timp di messe al alçarà la ostie consacrade e al disarà: «Ve l'Agnel di Diu» (Tonin Cjapielâr, Benvignût pape Benedet XVI)
   Sin. particule
   
   1. (fig.) in metaforis o paragons par dî alc di une vore fin o di forme taronde:  la mignestre e jere sparide intun lamp, e dopo nol jere nuie altri oltri che une ostie di formadi (Gianni Gregoricchio, Îr e doman); o cjalavin la ostie dal Soreli che si inneave tal ros mâr dal tramont (Checo Tam, La maree nere); […] soreli a mont, / ostie di sanc / tai ricams di aur dai nûi (Enrica Cragnolini, Tramont)
4. s.f. sfuei di paste une vore fine e sute doprât in scaletarie o ancje in speziarie:  la ostie dal mandolât
5. inter., s.f. [FO] (pop.) in esclamazions di rabie, delusion, impazience, maravee, ancje positive, e v.i.:  jo o ai un cûr ancjemò, e no soi fûr di cits, ostie! (Stefano Gasti, La none di Camčka); "Ostie! Ma nus copin ducj prin che o rivìn sot [dal reticolât]!" (Roberto Ongaro, Il muc)
   Sin. usti , osti , ostarie , orpo , corpo , sango , orpo di bio , corpo di bio , sacrament , sacranon , ustinon , ostinon , oscul
   
   1. s.f. (pop.) imprecazion blasfeme, blesteme:  si sint: «Bruta vaca!» / «Ruffian!» «Va ti sbore». / Lis ostiis di Guagnolo, / i urlos di Scain / completin la musiche / des scrovis che vain (Romeo Battistig (?), Ai Piombi)
   2. inter. (pop.) tant che rispueste enfatiche, in gjenar positive, o ancje negative daûr dal contest:  cuant che al è maridât Toni di Spiç che il plevan i domandà sul altâr se al jere content di cjolile: «Ostie - dissal - o soi chi par chel». E nol capive che bignave dî «Sì» (Dino Virgili, La aghe da pît la cleve)
6. s.f. (pop.) par formâ o dâ plui enfasi a espressions negativis:  a Checo no i impuarte une ostie di tornâ al repart (Checo Tam, La vuere di Checo); "Puar biât, la ostie! Al è un fassist, un spion dai mucs, altri che biât! […]" (Roberto Ongaro, Il muc)
   Sin. diaul , fave , caz , osti , porco , bighe¹ , clostri , madocule , dindi , dindie , ostrighe
   Cfr. nuie , gran , fregul , cree , pêl , asin¹ , piç
7. s.f., s.m.sing. (coloc.) cun valôr fraseologjic, par indicâ alc o une persone che a dan fastidi, a fasin dam o che in cualchi maniere si calcole in maniere negative:  "Ah, ce che ai fat? domandaitjal a chê ostie di Meneate, che mi à fat colâ par tiere." (Giovanni Gortani, Sot consei di vuere); e jere la fuee di lâ a fâ, e di puartâle intes lobiis, cun chês ostiis di sbrinziis sul cjâf (Meni Ucel, La "Fieste dai Roncs"); "E chel ostie di Rico là isal?" (Meni Ucel, La gjachete)
   Sin. osti , can da la ue , can da la ostie , can dal osti , diaul , porco dîs , benedet , maledet , stramaledet , osteât , sacramentât

Polirematichis e espressions idiomatichis

• can da la ostie loc.inter., loc.s.m.
• da la ostie loc.adi.inv., loc.av.
• fâ vignî sù la ostie loc.v.
• farine di fâ ostiis loc.v.
• lâ su la ostie loc.v.
• mandâ su la ostie loc.v.