Dizionari de Lenghe Furlane

asin¹  /à-/  a|sin  [AF]

1. s.m. ognidune des baulis che a formin un rap di ue:  ogni rap sglonf di dolç tai asins tarondins (Maria Forte, Il Bide di Miot); jê e fâs fente di no vê sintût, e cepele te trape i asins di ue restâts (Dino Virgili, La aghe da pît la cleve)
   Sin. gran , grignel
   
   1. ogni singule baule o semence ancje di altris plantis:  sgrafadis di nolis, magari misturadis cun asins di sorc (Pieri Menis, I siops); une rie di sacuts di semencis comprâts e paiâts no a chilo, ma adiriture un tant al asin, di tant che a costin (Riedo Pup, Jessi miliardaris e no savêlu)
   2. [BF] sepe de ue
      Sin. sepe² , semence , zigon , grignel
2. s.m. ogjet avonde piçul e plui o mancul taront:  i asins de corone a sunavin come coculis sbatudis tun sac (Pieri Menis, Il testament); tai lamps, il taçum palomp e rabin, fermât il so bal di Sant Vît, al molave jù asins dûrs [di tampieste] che no jerin par nuie grignei di corone (Maria Forte, La rive di Sant Pieri)
   Sin. gran
3. av. [BF] tant che rinfuarcitîf in negazions
   Sin. fregul , gran , nuie , nie , cree

Proverbis:

• al vâl plui un asin di pevar che no un fîc di mus