Dizionari de Lenghe Furlane

grignel  /-èl/  gri|gnel  [AF]

1. s.m. semence piçule, plui o mancul taronde, massime di forment, blave e v.i.:  la mê anima a è cjera semenada, / a è cjera sterpa / che a glutìs i grignei. / E a na fai spi (Novella Cantarutti, La vuarzina); chei grignei scûrs, pitinins, in forme di triangui e forin il prin sarasin (Catarine Percude, Il prin sarasin); voi neris come un grignel di cafè (Carlo Sgorlon, Il dolfin)
   Sin. gran
   Var. gragnel , grigneli
   Cfr. semence , sepe²
   
   1. pomulute singule dal rap di ue:  'Sese e proferì ae frute un biel rap di ue disintji: «Tu âs di mangjâlu dut, fin al ultin grignel» (Lucio Perès, La strie)
      Sin. asin¹ , gran
   2. [BF] ancje riferît dome ae semence de ue
      Sin. sepe² , semence , zigon , asin¹
2. s.m. robe piçule plui o mancul taronde:  tampieste, cun grignei grancj tant che ûfs di gjaline (Angelo Floramo, 1278 - 1279: i trê scjas); no àn nissun colôr / i sfueis antîcs dal timp; / a san dome contâ / di cualchi curt moment / che intun moment al passe / e che daûr al lasse / grignei di savalon / tal veri de clessidre (Franca Mainardis, A restin i siums)
   Sin. gran
3. s.m. (fig.) cuantitât minime, ancje di alc di imateriâl:  se o ves un grignel di cussience, o varès di dâ fûr chei carantans che mi son vignûts cui sa dontri, ai puars proletaris dal paîs (Josef Marchet, Lis predicjis dal muini)
   Sin. fruçon , ombre , ongule , tic¹ , fregul