Dizionari de Lenghe Furlane

tic¹  tic  [FO]

1. fonosimb., s.m. sunôr curt e sec:  tic tac tic tac tic tac al dîs l'orloi (Checo Tam, L'orloi de muart); chel tic e toc, cu conte ogni moment / ju pas, che il timp misure in nestri dan / e veloç trapassant dal dì al an / cun chei pas nus condûs al monument (Ermes di Colorêt, I, 3)
   Cfr. tac² , tic tac
   
   1. colput che al fâs un sunôr curt e sec:  dait un tic a di chê puarte / che al si alci chel saltel / salti fûr la mê morose / che i le cjapi a bracecuel (Popolâr, Dait un tic a di chê puarte)
   2. colput o azion lizere, masse delicade o improdutive:  "Domenie al tache il campionât: ce crodêso, di jentrâ cussì? Miarde: i vûl jentrât decîs, i vûl! No chel tic e tic, caz: vêso pôre di fâsi mâl? […]" (Stiefin Morat, Donald dal Tiliment)
2. s.m. zûc di balutis:  jo mi imbusavi sot la taule tonde a zuiâ di tic o di pulçs cu lis feris (Alan Brusini, Il zardin)
3. s.m. piçule cuantitât:  zornadis lungjis e fredis passadis bessôl ta chê surisarie di cjase, in spiete che sô mari e tornàs a fâ di cene chel tic di 'suf cul pignot (Roberto Ongaro, Il muc); Jacum al puarte il lat a pene molzût a sô mari, a 'nt bêf un tic ancje lui (Marisa Moretti, Neveade)
   Sin. pôc , cic , tinin , tininin , fregul

Polirematichis e espressions idiomatichis

• a tic a tic loc.av.
• ogni tic loc.av., loc.pron.
• tic a tic loc.av.
• tic e tac loc.av.
• un tic loc.pron., loc.av.

Proverbis:

• tic tac, al fâs il cjaliâr; finît di ticâ, finît di mangjâ
• tic tic tic, il muredôr nol vignarà mai ric
• tic tic, il fari nol deventarà mai ric