sacrament  /-ènt/  sa|cra|ment  [CO, TS]

  1. s.m. religj., lit. ancje cun iniz. maiusc., ognidun dai rituâi tipics de religjon cristiane, che a vegnin calcolâts fondâts di Crist, canonizâts in batisim, confession, comunion, cresime, matrimoni, ordenazion, vueli sant pe glesie catoliche, dome batisim e comunion pes glesiis protestantis:  il predi intun paîs al ven mandât par aministrâ i sacraments, par spiegâ la peraule di Diu, par dî la messe e fâ lis funzions (Josef Marchet, Lis predicjis dal muini); al è za stât dit e al sarà dit ancjemò e tornât a dî che il matrimoni al è il sacrament dal amôr (Francesc Placerean, Cuant che tal matrimoni al è l'amôr cristian, li al è veramentri Diu)
  2. s.m. (par anton.) ancje cun iniz. maiusc., rituâl de comunion:  che il to Sacrament nus custodissi, o Signôr, e nus protezi / simpri cuintri ogni atac dal Diaul (Gian Carlo Menis, Domenie XV dopo Pentecostis)
    Sin. santissim sacrament , altissim sacrament
    1. particule, ostie consacrade e tabernacul, furniment li che si ten la ostie consacrade:  il predi al tocje il cuarp dal Signôr platât tal sacrament (Antoni Beline, Malatie); la glesie jere vueide. Cidin come une ombre, al le a inzenoglâsi denant dal Sacrament (Zuan Lurinçon, La Madalene)
  3. inter., s.m. (fig., eufem., antifr.) imprecazion plui o mancul blasfeme:  e sint a un biel moment vignî sù odôr di brusât. "Sacrament, vin brusâts i biscots!" (Ivano Urli, In file); al à tirât jù un sacrament (Ovidio Colussi, Il pilustrât)
    Sin. sacrabolt , sacranon
    Var. acrament , crament
    1. ancje cun valôr gjeneric in espressions enfatichis, che a rimarchin o a sotintindin aspiets in cualchi maniere negatîfs:  chel brut sacrament di femenate e à vût cûr nuie mancul che di mancjâ di rispiet a la vuardie nazionâl! (Giovanni Gortani, Sot consei di vuere)
Proverbis:
  • se il matrimoni al fos stât un bon sacrament, sal saressin tignût i predis