maledet
/-èt/
ma|le|det
[AF]
-
p.pass., adi.
viôt maledî
, viôt maledîsi
:
sê maledet chel beconaç di Juda (Eusebi Stele, La crudeltât, la tirania di Amôr);
o vevi vaît, blestemât, maledet e batût i pugns (Igor Londero, Delit in vie del Lavoro)
Var. maledît
, maludît
, maladet
-
adi., s.m.
che, cui che al è ogjet di une maledizion, che i si brame une punizion divine o sorenaturâl o une disgracie:
su las puartas di Glemona / i ai viodût il mio amôr / maledet chel che a lu roba / maledet l'imperadôr (Popolâr, Su las puartas di Glemona)
-
che al è sot di un malefici:
dispès cui che al sa di vê chescj podês triscj […] si sbroche […] cuintri di cualchi clap, che dopo a scuindin intune scjate par vie che al è maledet (Sandri Carrozzo, Friûl di Magance)
-
adi., s.m.
che, cui che al è trist, traditôr e v.i. e che al merete la condane divine, ancje tant che ofese gjeneriche:
il paron di cjase Rusin al salte fûr dal porton porconant e businant plen di madonis cuintri chei bastarts, maledets, galeris, manigolts che se us cjapi! (Laurin Zuan Nardin, Impresis)
Sin. anime discuside
, anime nere
, danât
, disgraciât
, infam
, malandret
, sacraboltât
, sborât
, sfonderât
, sfondrât
, stramaledet
, osteât
, sacramentât
-
adi., s.m.
(ancje iperb.)
di alc, che al fâs dam o che si calcole negatîf, ancje tant che espression gjeneriche di rabie:
dentri [te letare] e jere scrite la fin dal puar soldât. In chê volte e si sintì a gotâ sul cûr dut il sanc de la vuere maledete (Catarine Percude, Il cjan blanc di Alturis);
si cjapavin malatiis tant che polmonite, pleurite, bronchite e la maledete "durchfalle", la dissentarie (Max Mauro, Buchenwald 1944);
chel maledet di un timp nol vûl metisi a bon (Pieri Somede dai Marcs, Resurezion a Pontinie)
Sin. danât
, disgraciât
, infam
, malandret
, sacraboltât
, sborât
, sfonderât
, sfondrât
, stramaledet
, osteât
, sacramentât
-
adi., s.m.
(fig., iperb.)
in paragons e espressions enfatichis, par dâ un valôr di superlatîf, di alc di estrem, esagjerât:
al mangje come un maledet (Raffaele Serafini, Contis sot spirt);
dispès al sintive tal cerviel une confusion maledete (Carlo Sgorlon, Ombris tal infinît)
Sin. malandret
, danât
, sacraboltât
, osteât
-
adi., s.m.
[TS]
let., art
ancje cun iniz. maiusc., che, cui che al faseve part dal grup di poetis francês decadents definît di Paul Verlain dai poètes maudits, o plui in gjenerâl artist cuntun talent straordenari ma no ricognossût de sô societât, che si compuarte in maniere distrutive e autodistrutive:
al leieve Baudelaire, Rimbaud e ducj i Maledets (Checo Tam, Don Franziskus e Iskander)