danât
da|nât
[AF]
-
p.pass., adi.
viôt danâ
, viôt danâsi
-
adi., s.m.
che, cui che al è condanât aes penis dal infier:
i viei a contin che prin dal Concei di Trent e jere dute une sdrume di danâts, spirts e fantasimis che a torzeonavin pal mont a messet dai vîfs (Josef Cjargnel, Batistute);
"Cumò, su la mont Cjanine, al è un danât di plui a sdrumâ pieris tes gnots di Invier o tal soreli bulint di Istât […]" (Dino Virgili, La aghe da pît la cleve)
Sin. anime danade
Cfr. anime nere
, anime discuside
-
ancje in metaforis o paragons che a segnin alc di esagjerât o di negatîf:
Pitin al veve za inviade la "Topolino" e mi pivetave come un danât (Antoni Beline, Pre Pitin);
e tacà a sberlâ, a urlâ come une danade, saltant fûr sul puiûl cu lis mans tai cjavei (Pieri Menis, Il fi de Rosse)
-
ancje tant che ofese gjeneriche, cuintri personis e ancje cuintri di robis:
nissun mi rispuindeve: o che chel danât di telefon al veve la lune par traviers, o che là jù a son ducj muarts! (Josef Marchet, Lis predicjis dal muini)
Sin. maledet
, malandret
, sacraboltât
-
adi., s.m.
che, cui che al è obleât o destinât a alc di dûr, pesant:
un popul di pescjadôrs danâts a strussiâ la vite ta la aghe e tal pantan e a murî di stents prin da la ore (Josef Marchet, Cuintristorie dal Friûl fin sot la Italie);
intal sessantevot, nus clamavin "agnui dal ciclostîl". Altri che agnui! Danadis dal ciclostîl, o jerin! (Gianni Gregoricchio, Trê feminis)