particule
/-ì-/
par|ti|cu|le
[AF]
-
s.f.
part une vore piçule:
la densitât dal aiar, ven a stâi il so pês par metri cubic, che al dipent dal numar di particulis che a son par ogni metri cubic (Stefano Micheletti, Marcellino Salvador, Notis di meteorologjie pal Friûl - Vignesie Julie)
Sin. frament
, tocut
, partesele
-
s.f.
[TS]
lit.
ognidun dai framents che si romp il pan azim te celebrazion de messe
-
piçule forme taronde di pan consacrât dade ai fedêi te comunion:
[pre 'Sefut] i poie in bocje la particule consacrade. "…custodiat animam tuam in vitam aeternam. Amen!…" (Arturo Feruglio, I stivâi di Zuan Batiste);
mi prontai denant di lui, cu la particule e i disei: «Il cuarp di Crist». Lui al vierzè la bocje, al parà jù la particule ma nol disè nuie. Dome «Mmmmm», che al sarès stât il so «Amen» (Antoni Beline, Pre Pitin)
Sin. ostie
-
s.f.
[TS]
fis.
part di materie plui piçule dal atom:
la tecniche getter e je stade adotade, almancul intal so principi di fonde, intal anel di 27 km di lungjece de machine aceleradore di particulis LEP al CERN di Gjinevre (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
s.f.
[TS]
gram.
non gjeneric di peraulis invariabilis e in gjenar atonis, cun funzion pronominâl o averbiâl:
[l'apostrof si dopre] par segnâ la elision dal i iniziâl de particule pronominâl indi (Xavier Lamuela, La grafie furlane normalizade)