agonie
/-ì-/
a|go|ni|e
[AF]
-
s.f.
stât di soference prin de muart:
e jere mancjade cuant che lui al jere pal mont, e nol veve vût il ben ni di viodile prin che e jentràs in agonie, ni di vignî al so funerâl (Franca Mainardis, Il sium di Lissandri);
us brami che chei cinccent francs che o piert si convertissin in cinccent oris di agonie parom in pont di muart (Pieri Somede dai Marcs, Par la firme di un contrat);
il sergjent che al comandave la mude al metè fin a la sô agonie cuntun colp di revolvar (Checo Tam, La sentinele)
Var. angonie
-
sun des cjampanis che al compagne i ultins moments di vite di un muribont:
cuant che a à sunât la agunia di Cerenglat, a è scjampada sù pa la scjala, e i na sai se a à dit un recuie (Novella Cantarutti, "Uta, Ututa improntiti");
une cjampane e sune la agonie … / di un om? Di un frut? No sai. Sant Vît al clame (Gjerani Petròs, O pipe mê…)
-
s.f.
(fig.)
moment, ancje dolorôs o sfadiôs, prin de fin di alc, fase finâl di alc:
la fogolade di une ricjece çondare e di une smavide pâs universâl, e platave di une bande la agonie dai vecjos sistemis sociâi e politics (Gian Carlo Menis, Storie dal popul furlan)
Proverbis:
- salamandrie becant, agonie sunant