bramazion
/-òn/
bra|ma|zi|on
[CO]
-
s.f.
desideri che al sucedi alc, soredut alc di negatîf a cdn. altri, e espression di chel desideri, in câs ancje tant che formule magjiche:
si rimpinà sù pal mûr divisori e al zigà ca peraulatis, bramazions e ofesis (Dino Virgili, La aghe da pît la cleve);
"Rispuindimi clâr e net: âstu dit, sì o no, maladets i çambarlans…?" "Lu ai dit, siorie, ma no intal sens di une bramazion…!" "Cuant che si maludìs, si lu fâs dome intun sens…: chel di bramâ mâl…!" (Alviero Negro, Strumîrs e Çambarlans);
i benandants a jerin bogns di viodi e di cjacarâ cui muarts e a vuarivin des bramazions e dai striaments (Sandri Carrozzo, Jenfri vîfs e muarts)
Sin. maledizion
Proverbis:
- bramazion di mus no rive in cîl
- bramazion di mus no va in paradis
- la bramazion e ven, e va; po e torne su la schene di cui che le da