mocul
/mò-/
mo|cul
[CO]
-
s.m.
toc di cjandele che al vanze dopo di vê brusât un pôc:
il mocul in man al molave lis sôs lagrimis di cere che a scotavin (Alan Brusini, Par stradis lungjis);
e cirì i fulminants a palpe, tornant a impiâ il mocul (Gianni Gregoricchio, Trê feminis)
Sin. mocul di cjandele
Var. mucul
-
s.m.
frut che al jude il predi intant des funzions:
i mocui cu la tonie fin al zenoli, che a puartin i cjandelîrs (Josef Marchet, Lis predicjis dal muini)
Sin. zago
, zagut
-
s.m.
(fig.)
imprecazion blasfeme:
e nassè une grant confusion di int, che si sbandave di ca e di là, tirant jù mocui e maledizions (Luigi Gortani, Al marcjât di Vile)
Sin. blesteme
, croste
, porco
-
adi., s.m.
che, cui che al è bas e grues, viôt mucul
Polirematichis e espressions idiomatichis
Proverbis:
- miôr lâ a durmî cuntun mocul che no a scûr
