croste
/-ò-/
cros|te
[AF]
-
s.f.
part superficiâl e dure di alc:
il cjan nol jere stupit, al à sì viodût che i cjolevi lis crostis dal pan, ma nancje che al ves nasât in ce stâts che mi cjatavi a sei, mi à lassât cjapâ sù (Ivano Urli, Storie di Min);
si cjape une slepe di formadi fresc di latarie, si grate cul curtìs la croste e si lu taie a cuadreluts (Arturo Feruglio, El lunis di Titute Lalele);
l'umidum al veve sglonfât i mûrs come biscots tocjâts tal lat, cualchi croste di piture a resisteve al so puest, chês altris a criçavin sot lis scarpis (Carlo Tolazzi, La salamandrie tal fûc);
mieç Friûl al à i siei orts indurmidîts sot la prime croste di glace (Emilia Baldassarre, Ort e cusine)
Sin. crodie
, scusse
Cfr. crostul
-
(fig.)
aparence che e plate une realtât plui profonde:
sot di cheste croste a esistin valôrs che a àn fat in mût di creâ chestis ecelencis (Dree Venier, Fabio Pizzul: Un furlan il prin… a Milan);
la vicende de Universitât duncje e à rote la croste di une situazion sociâl, politiche e culturâl che culì e tignive dut folpeât, scuindût, imberdeât (Renzo Balzan, Chei agns: la rivoluzion culturâl furlane)
-
s.f.
sanc o materie che si secje suntune superficie organiche, spec. suntune feride o suntune lesion:
lu clamavin Vigji Puinte par vie che i plaseve di bevi. Al veve la muse cu lis crostis ruanis parsore (Alan Brusini, Amîs come prime)
-
s.f.
(fig.)
esclamazion blasfeme:
il vieli Bastian al tirà jù une altre croste (Gianni Gregoricchio, Trê feminis);
se doman il to camion nol vûl partî, tu tachis a porconâ, come se lis crostis a fossin un bon carburant (Josef Marchet, Lis predicjis dal muini);
tal discori al molave jù ogni peraule une blesteme… crostis di chilo di fâ dreçâ i cjavei (Pieri Somede dai Marcs, 11 di Fevrâr 1929)
Sin. blesteme
, corpo
, corponon
, mocul
, porco
, porcon
, sango
-
s.f.
(fig.)
bote fuarte:
l'à poiât un pît sui dincj de sieste [dal ristiel]; di man vuarde, al si drece sù il mani in pîts e i mole une croste tal nâs (Luigi Gortani, Al marcjât di Vile);
par fâlu confessâ, intant che un lu inceave cuntune lampade, chel altri i dave jù crostis (Fabian Ros, L'om che al pierdeve pinsîrs pe strade)
Sin. bote1
, sgnesule
, pache
, legnade
, vuadolade
, tonade
Proverbis:
- chês che a mangjin crostis e lat, no cjataran un biel fantat
- il pan dai altris, chel plui bon, al à siet crostis e chel plui dûr ind à nûf
- il pan dai parons al à siet crostis
- il pan di servî al à siet crostis e bisugne rompi i dincj par mangjâlu
- ogni pan al à la sô croste
- pan di paron al à siet crostis e un croston