crodie
/crò-/
cro|di|e
[CO]
-
s.f.
piel dure di cierte robe purcine, tant che il persut, il speck e v.i., doprade par esempli par dâ savôr e sostance aes mignestris:
une biele crodie e vongolave parsore vie tal mieç dal vuardi e dai fasûi (Catarine Percude, Il voli del Signôr);
cuant che la aghe dal cjalderin e jevà il bol e butà dentri cualchi crodie cjatade tal armarat e un pugn di pire (Maria Forte, La aghe dal Ariul)
-
croste dure dal formadi:
al traeve un bocâl di vin, si sentave da cjâf de taule a mangjâ polente di îr e une crodie di formadi (Dino Virgili, La massarie)
-
s.f.
(fig., pop.)
piel di persone, soredut la piel dal cjâf:
cumò nissun le viôt plui in glesie par vie che une dì [i partigjans] i àn spelade la crodie a gratis, sore che e tacave cun ducj (Josef Marchet, Lis predicjis dal muini);
un vieli sence nancje un cjaveli su la crodie (Mario De Apollonia, Il timp par ledrôs)
Sin. piel
, scusse
-
vite, esistence:
"Bon Donald, tu mi âs salvât la crodie, chê volte! E jo o soi in debit" (Stiefin Morat, Donald dal Tiliment)
-
s.f.
(fig.)
grande resistence cuintri de fadie, des strussiis, des disgraciis
Sin. scusse
-
persone che e à grande resistence cuintri de fadie, des strussiis, des disgraciis
-
s.f.
(fig.)
persone o bestie o robe une vore malmetude:
une crodie di mûl dome piel e vues (Dino Virgili, La aghe da pît la cleve)
-
s.f., s.m.
persone ruspie, triste, avare di bêçs e di afiet:
une crodie di om (Stiefin Morat, Donald dal Tiliment)
-
s.f.
part superficiâl di un teren, tignude dongje des lidrîs de jerbe
Cfr. nembri
Proverbis:
- se al mancje l'ardiel e ven buine la crodie
- se la done a vûl comparî, la crodie dal cjâf e devi dulî
