batibui
/-ùi/
ba|ti|bui
[CO]
-
s.m.
confusion fate di int che e contraste, che e cjacare o che e zighe:
un miracul che no si son metûts lis mans intor […]. Jo e il perît o tasevin, si cjalavin e o pensavin che al jere miôr di lassâju che si sbrocassin. Dopo di une buine mieze ore di batibui, par fâju tasê, o ai alçade la vôs (Pieri Menis, Par la firme di un contrat);
in mieç al batibui spiche la vôs / mo del canon, mo de cjampane grande… / in alt, tra el fum, un brut splendôr di fûcs (Pieri Corvat, El cuarantevot)
Sin. babilonie
, casin
, mismàs
, bordel
, davoi
, cjadaldiaul
, tananai
, desio
, disio
, pastiel
, badaluc
-
confusion par vie dal messedâsi e dal contrastâsi di plui elements, ancje no di personis:
eco che il firmament / si fodre intun moment / di nûi e sorenûi: / ce diaul di batibui! / A tramontan l'è scûr… / sintîso ce sussûr? (Pieri Çorut, La tempieste)