Dizionari de Lenghe Furlane

disio  /-sì-/  di|si|o  [CO]

1. s.m. grande confusion, lûc o situazion dulà che al è dut fûr di puest, fûr di control:  al jentre e al cjate dut un disio: claps, tocs di veris, un polvaron! (Alberto Picotti, «Il zio Giovanni»); no podeve savê, la fantate, ce raze di disio che al jere dentri tal çarviel di Firmato (Gianni Gregoricchio, Îr e doman)
   Sin. babilonie , casin , mismàs , bordel , badaluc , cjadaldiaul , tananai , davoi , pastiel , daidai , confusion , confusie , montafin
   Var. desio
   
   1. sunsûr fuart e che al da fastidi:  a sint jù da bas in cusine un sgnaulâ rabiât, pignatis che si rabaltin, un disio (Dolfo Zorzut, La gjatute di mestri Nocent); a berlavin su la piche de mont che al jere un disio (Meni Ucel, Cespis)
      Sin. batibui , bordel , sunsûr , tananai , diauleri , fracàs , bacan²
2. s.m. cuantitât grande:  la Italie, che di republichis a 'ndi à provadis un disio: romanis, venezianis, florentinis, gjenovesis, pisanis, partenopeis, cispadanis, cisalpinis e vie discorint (Josef Marchet, La cotule imblecade); i gjalinârs! Ce disio di polam che al jere là dentri! Nancje la parone no saveve tropis che 'ndi veve di chês bestiis (Pieri Menis, La gjaline robade)
   Sin. barcje , casin , cjadaldiaul , davoi , muestule , sglavin , sdrume , bordel

Polirematichis e espressions idiomatichis

• fâ disio loc.v.
• fâ il disio loc.v.