sunsûr
sun|sûr
[FO]
-
s.m.
fenomen acustic provocât des vibrazions di un cuarp che si difondin tal aiar o tun altri mieç, spec. tal câs di vibrazions iregolârs e no armonichis:
da là sù in cima a si jodevin i trois e, co la buera a paussava, a rivavin nets i sunsûrs (Novella Cantarutti, La aga di Plan da li steli);
biel planc, cence fâ sunsûr, a lerin sù pe scjale (Roberto Ongaro, Il muc);
il mâr i rivave cul sunsûr des ondis tormentadis (Maria Forte, Cjase di Dalban);
sunait, sunait, cjampanis! O se dols sussûr! A pâr di essi di Pasca! (Pier Paolo Pasolini, I Turcs tal Friûl)
Sin. rumôr
, sun1
, sunôr
-
s.m.
confusion causade di int che e cjacare cu la vôs alte:
al si poià cui comedons sul barcon. Dal bas al vignive sù il sunsûr de baldorie de citât (Pieri Somede dai Marcs, O sielç lis stelis);
di colp dut il sunsûr si cuietà: nome ca e là cualchi cisicade… (Pieri Menis, Il fiâr dal plevan);
il sunsûr al sturnive, par vie che ducj a fevelavin a fuart sul strepit dai plats, o ben a cjantavin cun des vôs grocjis par colpe dal vin e dal fum (Amedeo Giacomini, Tal ospedâl)
Sin. businôr
, cjacaradice
, davoi
, cjadaldiaul
-
s.m.
(fig.)
situazion di agjitazion:
un grant scritôr furlan, un di chei che a dismovin un grum di sunsûr intor di lôr (Josef Marchet, Dome un rimiedi par salvâ il furlan: insegnâlu tes scuelis);
da la agna Cuesima a na si podevin pensâ tristi robi, che a era passada ta stu mont cença fâ sunsûr e a veva cjapât il vivi tuna misura justa tra il ridi e il vaî (Novella Cantarutti, La passion di Donât Ramaç);
ritirâsi lontans dai sunsûrs e des tentazions dal mont (Antoni Beline, Sant Jacum, là che al finìs il mont)
Sin. scjas2
-
s.m.
[BF]
sun lizêr fat fevelant sot vôso robe dite sot vôs:
cuant che i pinsîrs si jerin sclarîts e la vôs e jere tornade, e veve rispuindût a Lissandri, intun sunsûr: "Se tu puedis, stami dongje" (Franca Mainardis, Il sium di Lissandri)
Cfr. suspîr
, cisicament
, cisicade
-
informazion, ancje risiervade o personâl che e zire cence jessi confermade, ancje cun malignitât:
al cor il sussûr che a sieraran la feriere (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. vôs
Cfr. peteç
Proverbis:
- la coce in siorie e fâs plui sunsûr
- une sole cocule no fâs sunsûr