rumôr
ru|môr
[FO]
-
s.m.
cualsisei sun, soredut se nol è armonic:
la vôs [de radio] e jere propite basse e si sintive lis peraulis dome ogni tant, juste cuant che no rivavin rumôrs de strade (Agnul di Spere, In Friûl, nossere);
la machine e faseve un rumôr di ferace che ducj si voltavin (Antoni Beline, Pre Pitin);
il taramot lu vin vivût cussì, intant che o cenavin o vin sintût un rumôr o pensavin che al fos rivât Bruno cu la machine, subit dopo al à començât a tremâ e nol finive plui (Mario Beltramini, Jo e Graziella)
Sin. sunsûr
Var. remôr
, romôr
-
cuantitât di suns che a van un parsore di chel altri e che a puedin ancje dâ fastidi:
si inacuarzè che al mancjave il solit rumôr dal trafic (Gianfranco Pellegrini, Preiere);
nol è facil seguî i grups intal fumeron. Al è un grant rumôr, un grant moviment di personis che a van sù e jù (Checo Tam, La maree nere)
Sin. confusion
, fracàs
, badaluc
, davoi
, tananai
, rimitûr
, repeton
-
s.m.
[TS]
astron.
emission di ondis a radiofrecuence mandadis di un cuarp celest
-
s.m.
[TS]
eletr.
flutuazion de corint o de tension intun circuit o intun sisteme:
altris proprietâts interessantis [des celis organichis nanostruturadis] a son il bas rumôr di fonts e la dipendence di proporzionalitât strete fra la intensitât di lûs e la intensitât di corint eletriche (Lorenzo Marcolini, Lis celis organichis nanostruturadis)
-
s.m.
[TS]
mus.
sunôr no armonic doprât par finalitâts espressivis particolârs:
la musiche plui comune inte nestre etât e je la musiche che e fâs tant rumôr e pocje melodie (AAVV, Sul florî)
-
s.m.
[TS]
med.
fenomen acustic interni al organisim
-
s.m.
[TS]
telecom.
cualsisei disturp che al mudi lis carateristichis dal segnâl e che al impedìs la sô buine ricezion
-
s.m.
[TS]
ling., semiol.
inte teorie de comunicazion cualsisei element che al cause un efiet di disturp sul messaç:
intune ditature la dismentie si cree par mieç de censure o de false informazion, in democrazie cidinôr e rumôr a son chel istès: lis informazions si scancelin par moltiplicazion, par difusion cence padin, nol impuarte se a son veris o falsis (Mario Turello, Il brevet)
-
s.m.
[TS]
inform.
erôr che al modifiche un o plui bits di un dât, produsût di flutuazions eletrichis tal ordenadôr o intune linie di trasmission:
il canâl di trasmission al degrade i segnâi trasmetûts par efiet dai disturps, des distorsions, des interferencis. O clamìn rumôr, par semplificazion estreme, l'insiemi di chescj fenomens (Valentino Castellani, La societât de informazion: cirint lis origjins)
Proverbis:
- se al svinte a Sant Grivôr, lu vin cuarante dîs a fâ rumôr