peteç
/-èç/
pe|teç
[AF]
-
s.m.
cjacare, in gjenar triste e ancje esagjerade o false, fate daûr di cdn.:
lu vevin viodût tantis voltis a compagnâle cuant che la sere e tornave de latarie; lu vevin viodût ancje a lâ in cjase e za un grum di peteçs di ogni fate si fasevin sul so cont (Pieri Somede dai Marcs, Nardon e Vigjute di Nani);
no si fermavin sul poç a babâ (a vevin, lôr, il poç di bessôi, sul prin jentrâ tal ort) e no si intrigavin dai peteçs di nissun (Dino Virgili, La aghe da pît la cleve);
un borc al scuen nudrîsi di peteçs se no nol vîf (Maria Forte, La tiere di Lansing)
Sin. peçot
, peteçarie
, slengaçade
, vôs
, voghe
, cjacare
-
s.m.
[FÛ]
situazion intrigose, dure di frontâ o dificile di risolvi:
ma si maride / mio fi Nadâl / chest carnevâl / e ognun intint / ce che si spint / par un nuviç!… / Il paiariç, / breis, cavalets… / al è un peteç! (Giovanni Zuttioni, Un puar om nel mês di Zenâr)
Sin. casin
, afâr
, fastidi
, imbroi
, impaç
, inconvenient
, ingredei
, intrigatori
, lambic
, malan
, malore
, pastiç
, rogne
, vuai
, cantin
, complicazion
, imberdei
, afâr seri
, berdei
, gredei
Proverbis:
- cuant che al burle il fûc, o forescj o regâi o peteçs
- ogni maridaç il so lengaç, ogni marideç il so peteç