Dizionari de Lenghe Furlane

imberdei  /-èi/  im|ber|dei  [CO]

1. s.m. grop o grum complicât, disordenât, intrigôs e v.i.:  ducj i fîi vevin di passâ traviars l’imberdei dei lis e de fissa (Maria Paoluzzi, Telârs a Orsaria); denant che in cîl si impari la albe / la lune e jes dal imberdei / dal nûl, plui lontane e plui blancje, / juste tal mieç dal seren, / denant che in cîl si impari la albe (Ercole Carletti, Su la albe)
   Sin. garbui , gredei , grop , berdei , ingredei , intric , involuç , voluç , imbroi
   Var. imbredei
2. s.m. (fig.) situazion, discors, concet e v.i. complicât e confusionât:  jê no veve siarât voli dopo che lui al jere lât, bessole a cirî di sclarîsi chel imberdei di sintiments dentri vie (Jolanda Mazzon, Fûr di timp)
   Sin. diauleç , garbui , gredeade , grop , berdei , ingredei , intric , involuç , pastiç , pastiel , petule , imbroi , gredei , casin , bordel
3. s.m. situazion o fat contrari e dificil di passâ, che al met in dificoltât:  Vera lu veve metût intun biel imberdei (Gianni Gregoricchio, Îr e doman); di tant in tant al capitave intun paîs o intun altri, massime se al saveve di cualchi predi che nol stave ben o che si cjatave in cualchi imberdei (Toni Bidel, La setemane di pre Chechin)
   Sin. casin , clotie , cuistion , fastidi , grane¹ , imbroi , impaç , inconvenient , ingredei , intrigatori , lambic , malan , malore , mateç , naine , pastiç , rogne , secjade , vuai , cantin , impediment , pastorie , ostacul , pidiment , complicazion , berdei , gredei
4. s.m. (fig.) sensazion di vergogne, di sudizion, di dificoltât psicologjiche o relazionâl cun chei altris:  cumò nol sintive il solit imberdei a fevelâ cun chei altris de sô situazion (Carlo Sgorlon, Prime di sere)
   Sin. intric , sudizion , berdei