clotie
/clò-/
clo|ti|e
[CO]
-
s.f.
robe che e funzione mâl, in brutis cundizions o ancje comedade mâl:
la prime sclope je veve cumbinade Zili fari tun fusîl a bachete che al jere une clotie, di copâsi parie (Alan Brusini, Par stradis lungjis)
Sin. intric
, intrigatori
, catan
-
s.f.
persone in brutis cundizions di salût, plene di fastidis:
sù siatics, gotôs, / sù clotiis slancadis; / sù erotics, mendôs. / Vait là sbavassaitsi, / butaitsi tun svuaç, / ritenzit la ciere (Toni Broili, Il trionfo des pudiis nel 1850)
-
s.f.
cuistion problematiche, fat o acjadiment che nol va ben:
cjolìn part a la ligrie / e i fastidis parìn vie. / Za no mancjin mai des clotiis / che nus dan dal displasê (Nicolò De Steffaneo, Pronostic sentimentâl par lis bielis dal Friûl, lunari par l'an 1837)
Sin. cuistion
, naine
, rogne
, intric
, fastidi
-
s.f.
cui che al clotee, che al sta tant timp par fâ alc, che al à tantis inciertecis:
lui ur insegnave a spesseâ: "Cjapilu cussì: ti va miôr. Se no, tu mi stâs il ben di Diu, tu alì, clotie da la ostie!" (Dino Virgili, La aghe da pît la cleve)
Sin. bibie1
, bibion
, pendolon
, stracezornadis