Dizionari de Lenghe Furlane

intric  /-ìc/  in|tric  [AF]

1. s.m. complès disordenât di plui elements fats sù tra di lôr o di un element fat sù su se stes:  al è muart propit cussì tal intric dal reticolât (Pieri Somede dai Marcs, Une conference di padre Gemelli); la cise cuadrade di rôl di une vecje bressane e jere cressude a mat, sierant dentri, tun intric di ramaçs e di bachetis, la piçule cabocje dal oseladôr (Pieri Menis, Destins)
   Sin. voluç , grop , imbroi , berdei , imberdei , gredei , ingredei
2. s.m. situazion che e da fastidi, che e inderede:  "O finìnle, no permet di vignî a meti il nâs tai miei afârs, no vuei vê intrics e baste…" (Pieri Somede dai Marcs, Cjase di fitâ)
   Sin. berdei , gredei , imberdei , ingredei , fastidi , inconvenient , intrigatori , lambic , rogne , secjade
   
   1. ce o cui che al è cause di chê situazion:  il guviar regjonâl, secont l'ordenament normâl, che nus vignarès dât, al è pitost un intric di plui che no un vantaç (Josef Marchet, Votazions regjonâls)
   2. ce che si à di fâ, che al impegne, che nol lasse jessi libar:  [il pastorut] liberât dal intric di tignî a ments la vacje, al si tacà a fâ voltolinis tal prât (Luigi Gortani, Sant Pieri e la code da vacje); cumò mi jevi sù, che o devi lâ par un piçul intric, e dopo a cjase mê varìn ben timp di decidi sul dafâ (Costantino Smaniotto, Co l'amôr al cimie)
      Sin. impegn , dovê¹ , cefâ , dafâ , afâr
3. s.m. situazion problematiche, dificile di frontâ e di risolvi:  il popul […] in lûc di pensâ ae redenzion da la umanitât - che e je di competence dal Pari eterni - al pense a disgredeâ chei intrics che al po disgredeâ (Josef Marchet, Autonomie e moralitât); i vignivin ogni tant chei moments che nol podeve fâ di mancul di fermâsi a pensâ, par cirî di disberdeâ une buine volte chel intric che simpri plui no i lassave pâs (Pieri Menis, Sul agâr)
   Sin. cuistion , fastidi , probleme , imbroi , pastiç
   
   1. situazion pericolose:  Mariane, di biel principi, e veve batût parcè che lui al restàs a cjase, spauride che si metès in cualchi intric (Gianni Gregoricchio, Îr e doman)
4. s.m. fat, situazion, sisteme e v.i. no clâr dal dut, no coret o no onest:  "Sô gnece e fâs l'amôr cun Bepo. Si cjatin dutis lis matinis ca, tant che lôr e son a cjace." "Catine?!" "Sì. L'intric al dure za da un pieç, tant che ducj e bruntulin […]" (Bruno Paolo Pellarini, Amôr in canoniche); il pape nol à podût vignî in Friûl in visite uficiâl pai intrics politics, ma al rivarà istès a vignî a cjatâmi, come imprometût, pe nestre amistât (Diego Navarria, Patriarcjis fûr dal ordenari)
   Sin. imbroi , traine , naine
   Var. intrîc
5. s.m. robe no ben definide, soredut viere o cence valôr o cence utilitât:  Doro Baron al torne a cjase ancje lui, dopo cuatri agns vie pes Franzis: al dismonte in stazion a Tarcint […] e al discjame i siei intrics (Meni Ucel, Gjarmaneots)
   Sin. bagaie , caìe , fufigne , fufigneç , grabat , grabatul , intrigatori , ratatuie , scarabere , sgjarpie , strafusarie , striament , strieç , catan , cjossul

Polirematichis e espressions idiomatichis

• intric a mi loc.inter.
• par intric loc.av.

Proverbis:

• intric al strolic a fâ lunaris
• si crôt che il maridâsi al sedi un zughet e invezit al è un intric maladet