dovê1
do|vê
[FO]
-
v.mod.
prime di un infinît, al pant oblic, necessitât, oportunitât e v.i.:
fra gjenitôrs e fîs al devi jessi rispiet (Francesc Placerean, Cemût tirâ sù i fîs in cheste ete);
al sintive dentri di se come un presintiment che alc di grant al doveve sucedi te sô vite (Pieri Somede dai Marcs, Co une vôs e clame);
i contavin a jê, puare frute, che i zovins son triscj, si dêf vuardâsi di lôr (Dolfo Zorzut, No je plui vive);
l'aiar al devi di vê puartât lontan il temporâl (Checo Tam, Cirî gnot)
Sin. scugnî
, vê di
-
al pues pandi probabilitât:
a un ciert pont al devi jessisi rindût cont di bessôl che par otignî risultâts significatîfs si scugnive bati gnovis stradis (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
al pues pandi che une azion e à di sucedi tun futûr une vore dongje:
o spieti Mondo che al devi rivâ (Maria Forte, La tiere di Lansing)
-
v.tr.
[BF]
vê un debit, jessi debitôr, massime fig.:
no saveve nancje cemût fâ par tirâ dongje chei francs che i doveve (Roberto Ongaro, Il muc);
jo, a Sonia, i devi ricognossince (Gianni Gregoricchio, Trê feminis)
Sin. vê di dâ
Polirematichis e espressions idiomatichis
Proverbis:
- a fâ chel che no si devi, al ven chel che no si credi
- cui che i insegne al mus a butâ jù il sac e a mangjâ la farine si ridûs a dovê lâ a mulin bessôl
- cui che si vûl comodâ si dêf discuinçâ
- i gjenitôrs a àn il dovê di mantignî i fis fin che a àn sessante agns finîts; e po passâur il tabac
- la ruede che e dovarès tasê si fâs sintî plui di mai
- pês e misure a devin jessi, il contrat al è libar
- se la done a vûl comparî, la crodie dal cjâf e devi dulî