Dizionari de Lenghe Furlane

vê di    [FO]

1. loc. denant di un verp tal mût infinît, dovê, scugnî, jessi obleât o impegnât o in cundizion di necessitât di fâ alc:  i siôrs a àn fate la Italie e nô puars o vin di paiâle (Dino Virgili, La aghe da pît la cleve); "[…] tu âs di fâ ce che ti dîs jo, o comandi jo, âstu capît?" (Pieri Somede dai Marcs, Vilie di Nadâl (teatri))
   Sin. scugnî , dovê²
   Cfr. bisugnâ , coventâ , volê¹
   
   1. ancje par dâ plui enfasi:  "Ma mame! parcè âstu di jessi cussì? (Alviero Negro, La cjase); "Indulà aial di jessi lât?" (Jolanda Mazzon, Fûr di timp)
   2. ancje par dî une volontât plui che une necessitât:  Quilin nol jere content dal puest; al diseve simpri che se al veve timp a vivi al veve di fâ sù une cjase gnove plui lontan, dongje il bosc di Lauçane (Riedo Pup, Il Crist di Quilin)
2. loc. par dî che alc al è probabil:  chestis localitâts a jan di sei stadis dibot disabitadis prin che a rivassin i Sclâfs (Josef Marchet, Cuintristorie dal Friûl dal 1866 fint in dì di vuê)
3. loc. cuntun sens di iminence, di prossimitât tal futûr:  al veve di finî cent e cuatri agns (Gianluca Franco, Cuant che l'Istât al finìs - Ogni etât la sô maravee)

Components:

• vê v.tr., v.aus.