Dizionari de Lenghe Furlane

bisugnâ  bi|su|gnâ  [BF, FO]

1. v.intr. spec. impers. in costruzions cul infinît o cuntune subietive, jessi necessari, convenient, just, si dopre ancje cence pronon subiet aton:  bisugnave stâ atents di no lâ a inçopedâsi tes çocjis dai pins taiâts di pôc (Pieri Menis, Tal bosc di Kebespok); prin di dut bisugne fâ il pussibil di no vê glaçade la anime insiemi cul cuarp (Antoni Beline, Sant Jacum, là che al finìs il mont); bisugne pûr che il machinari ministeriâl al vadi indenant in cualchi maniere (Josef Marchet, Debil il cerviel ma fuarte la gramule)
   Sin. fâ dibisugne , ocori , volê¹ , coventâ , scugnî
   Var. bignâ¹ , mignâ , bisignâ
   
   1. [BF] ancje cuntun subiet:  e àn bisugnât cuatri cjavai par tirâ fûr il cjar dal pacjuc (Giulio Andrea Pirona, Ercole Carletti, Giovanni Battista Corgnali, Il Nuovo Pirona)

Proverbis:

• bisugne bati il fier cuant che al è cjalt
• bisugne bati par che a vierzin
• bisugne cjalâ abàs prin di mudâ il pas
• bisugne cjapâ i uciei cuant che a passin
• bisugne cjapâ lis vuitis cuant che a passin
• bisugne cjoli il ben cuant che al ven e il mâl cuant che si scuen
• bisugne cjoli l'abûs e tornâ l'ûs
• bisugne cjoli la int come che e je
• bisugne copâ chê gjaline che e fâs l'ûf e po lu bêf
• bisugne curâ il mâl denant che al cjapi pît
• bisugne dâi timp al timp
• bisugne dâsi lis mans ator e no spietâ la mane dal cîl
• bisugne fâ ben par mâl
• bisugne fâ di necessitât virtût
• bisugne fâ il pas seont la gjambe
• bisugne fâ il salût seont il cjapiel
• bisugne fâ la barbe prin par se e po, se al vanze timp, ancje a chei altris
• bisugne fâ la cjalce seont il pît
• bisugne fâ la roste denant che e vegni la aghe
• bisugne gjoldi e lassâ gjoldi
• bisugne inneâsi tal mâr grant, no je nancje braùre a inneâsi intune tace di aghe
• bisugne jessi prin garzon e po mestri
• bisugne jessi prin scuelârs e po mestris
• bisugne lâ a messe là che e je la glesie
• bisugne lâ a mulin cuant che e je aghe
• bisugne lâ adasi planc par rivâ prest
• bisugne lâ planc par rivâ prest
• bisugne lâ vistûts daûr dal so stât
• bisugne lassâ lâ il mâl jù pai malâts e la vuere jù pai soldâts
• bisugne lassâ lâ il sanc pes sôs venis
• bisugne lassâ lâ la aghe injù e il fum insù
• bisugne lassâi fâ a chel che al è parsore dai cops
• bisugne lassâi la sonze in bocje ai gjats
• bisugne lassâi piâ lis surîs ai gjats
• bisugne lescjâ par cjapâ gjambars
• bisugne mangjâ tant vuê che ind' resti ancje par doman
• bisugne menâ il dint daûr la borse che si sint
• bisugne misurâ il cûl cu la bocje
• bisugne misurâsi par no sei misurâts
• bisugne misurâsi seont la borse
• bisugne navigâ seont il vint
• bisugne onzi il cjar par che al cori
• bisugne paiâ il garzonât
• bisugne peâ il mus là che il paron comande
• bisugne pensâ prin di dî e prin di fâ
• bisugne pensâ prin, par no pintîsi daspò
• bisugne pleâ l'arbul co al è zovin
• bisugne pleâ la bachete, l'arbul si romp
• bisugne riscjâ se si vûl roseâ
• bisugne rispietâ se si vûl sei rispietâts
• bisugne rompi i ûfs se si vûl fâ la fertaie
• bisugne salvâ l'ort pes verzis
• bisugne salvâ la panze pai fîcs
• bisugne savê doprâ il len par nudrî la prole ben
• bisugne savê fâ il levan par vê bon pan
• bisugne scomençâ a puartâ il jôf a buinore
• bisugne scurtâsi la gjaide un pôc parom
• bisugne sei da la art par stimâ une fabriche
• bisugne semenâ cul pugn e no cul sac
• bisugne semenâ di miercus
• bisugne sparagnâ la ombrene par cuant che al plûf
• bisugne spelâ la cuaie tant che no sberli
• bisugne spindi seont lis fuarcis
• bisugne spindi simpri un solt di mancul di chel che si vuadagne
• bisugne stâ cui voi te crepe
• bisugne stuarzi la tuartie fin che e je frescje
• bisugne temê Diu par amôr e no amâlu par timôr
• bisugne temê i timits
• bisugne temê i timorôs
• bisugne tignî cont cuant che a 'nd è, che cuant che no 'nd è nol servìs a nuie
• bisugne vê creance par cui che no 'nd à
• bisugne vê judizi par cui che no 'nd à
• bisugne vê prudence par cui che no 'nd à
• bisugne volêi ben a la tiere parcè che o vignìn di li
• ce che al è just di fâ, bisugne fâlu e vonde, magari murî di fam
• cualchidun di un côf bisugne dâjal al lôf
• cuant che a scomencin lis disgraciis bisugne vierzi puartis e barcons
• cuant che e cjape fûc la cjase no bisugne scjaldâsi
• cuant che nol cjante il cuc pai tredis di Avrîl, bisugne lâ in comun a cirîlu
• cui che al à e che al spint nol à bisugne di tacuin
• cui che al compre al à bisugne di cent voi, cui che al vent i 'nd baste un
• cui che al vûl cjapâ il gût, bisugne che si bagni il cûl
• cui che nol à creance, no bisugne doprâle
• cui che nol à robe sô, bisugne che al ledi là che al po
• cui triscj bisugne fâ miôr che si po, cui bogns si fâs cemût che si vûl
• cun cui che si space la flôr, bisugne spaçâ ancje la semule
• il mus par che al ledi dret bisugne bastonâlu
• il pan di servî al à siet crostis e bisugne rompi i dincj par mangjâlu
• il sorc tal cjamp bisugne che lu judi ogni sant
• in chest mont bisugne nassi fortunâts
• la bisugne a fâs ben movi i piçs
• la creance bisugne savê doprâle cuant che e covente
• la ligrie bisugne fâle in famee
• ni cun mats ni cun baraçs no bisugne impaçâsi
• no bisugne cjapâ dutis lis moscjis che a svolin
• no bisugne cjoli une gjate tal sac
• no bisugne confondi ebreus cun samaritans
• no bisugne domandâi al ostîr se il vin al è bon
• no bisugne fâ bausiis cun sperance che no vegnin fûr
• no bisugne fâ il diaul plui neri di ce che al è
• no bisugne fâlis, par che no saltin fûr
• no bisugne fâsi fâ gole de robe a bon marcjât
• no bisugne fermâsi a ogni ostarie
• no bisugne gjavâi lis surîs di bocje ai gjats
• no bisugne impaçâsi dai fats dai altris che si à avonde di viodi dai siei
• no bisugne lâ daûr dai peçots dai fruts
• no bisugne lagnâsi dal brût gras
• no bisugne lassâ la strade viere par chê gnove
• no bisugne lassâ scjampâ il jeur par pôre di ruvinâi la piel
• no bisugne mai dî ce che no si sa di ciert
• no bisugne mai fâ confronts
• no bisugne mai infidâsi dai sants che a cjiin
• no bisugne meti il cjar denant dai bûs
• no bisugne mostrâi a dinissun la cjamese sporcje
• no bisugne nomenâ i muarts in taule
• no bisugne pierdi il dumiesti pal salvadi
• no bisugne rispuindi se no si è clamâts
• no bisugne spelâ tant la gjaline che e ciuli
• no bisugne spelâ tant la gjaline che e craci
• no bisugne spietâ la aghe al cûl
• no bisugne spudâ sul plat che si mangje
• no bisugne stâ a murî sui ûfs
• no bisugne tignî pe spine e pierdi pal cjalcon
• no bisugne tirâ il pêt plui grant de buse
• no bisugne tocjâi la code al madrac
• nol baste cognossi la creance, bisugne ancje savê doprâle
• nol baste l'imprometi, bisugne mantignî
• nol baste scomençâ, bisugne seguitâ
• nol baste vê bêçs, bisugne savê spindiju
• par che al sedi plen bisugne che al spandi
• par che il cjar al cori, bisugne onzi lis ruedis
• par che il cjar al ledi, bisugne onzi lis ruedis
• par che ind sedi avonde, bisugne che ind vanzi
• par fâ bêçs no bisugne vê pôre dal diaul
• par fâ bisugne scomençâ
• par ingrumâ bisugne striçâ
• par no deventâ splantâts, bisugne sei simpri tirâts
• par pierdi il cjâf, bisugne vêlu
• par podê ben comandâ, bisugne savê fâ
• par rivâ a ciertis altecis o bisugne fâsi cais o ben jessi acuilis
• par vê biele la blave bisugne arâ di bessôi
• plui des robis bielis bisugne cjalâ e preseâ chês utilis
• prin di cognossi ben un, bisugne mangjâ cun lui un stâr di sâl
• prin di cognossi la int di cjase, bisugne mangjâ cun lôr un stâr di sâl
• prin di contratâ de piel dal ors, bisugne maçâlu
• prin di dî une peraule, bisugne bati la ale tant che il gjal
• prin di fâ e di dî bisugne pensâ ce che al po vignî
• prin di mangjâ su la piel dal ors, bisugne vêlu maçât
• se Diu al vûl, bisugne rispietâ la sô sante man
• se si à voie di vê un bon poltron, bisugne mandâlu a scuele o a passon
• se si da la man bisugne dâ ancje il braç
• se si vûl conservâ la amicizie, bisugne stâ lontans
• se si vûl piâ pes, bisugne bagnâ il cûl
• se si vûl pierdi la amicizie, bisugne imprestâ bêçs
• se si vûl vê un gust, bisugne paiâlu
• tegne e rogne altri mâl no bisogne