Dizionari de Lenghe Furlane

dovê²  do|vê  [FO]

1. s.m. il jessi obleât a fâ alc, a compuartâsi intune cierte maniere e v.i., spec. par resons morâls o juridichis:  sintî il dovê di fâ une opare di caritât (Pieri Somede dai Marcs, I "resti")
   Sin. assum , cefâ , compit , impegn , incombence
2. s.m. ce che si scuen fâ:  nol jere tal so caratar chel di mocâse par no frontâ i siei dovês (Roberto Ongaro, Il muc); cuant che Bertin e la Marceline a partirin, lui ju benedî e ur ordenà: "Mi racomandi, fait il vuestri dovê" (Maria Forte, Cjase di Dalban); al jere cence famee, cence afârs, ni oraris, ni dovês viers di nissun (Alan Brusini, Par stradis lungjis); avalêsi dal insegnament de lenghe furlane […] al è un dirit des fameis e un dovê des scuelis chel di dâ fûr chest insegnament (Patrizia Pavatti, Insegnament dal furlan - la norme "in situazion": tra regulis e plan de ufierte formative)
3. s.m. ce che si à di dâ, spec. in bêçs:  int, in sumis, che e lavorave no par alçâ il grum des palanchis, ma nome […] par fâ front a la montagne dai dovês (Riedo Pup, I furlans e i bêçs); la tiere buine e à dât il vivi al contadin e cun ce paiâ prediâl, fogatic, cuartês decimis, canui, regaliis e il dovê dal miedi, dal sartôr, dal fari, dal marangon (Dino Virgili, La aghe da pît la cleve)
   Sin. debit , oblics , vê di dâ
4. s.m. tal pl., in formulis di cortesie, tant che salût di rispiet:  i miei dovês a la parone
5. s.m. tant che forme di cortesie, par dî che alc nol è un merit, che al jere naturâl fâlu:  "Graciis, ce zentîl!" "Dovê"; o sin a sô disposizion, dotôr, nestri dovê (Alan Brusini, Gian Paolo Linda, I forescj)
   Sin. dibant , di nuie

Polirematichis e espressions idiomatichis

• fâ il so dovê loc.v.
• fâ la part dal so dovê loc.v.

Proverbis:

• saludâ e je cortesie, rispuindi al salût al è un dovê