dibant /-à-/ di|bant [FO]
-
av., adi.inv.
cence efiet, cence costrut, cence utilitât, cence fâ nuie e v.i..:
e jo, chi, o ai di stâ a pierdi timp dibant? Lu saie o no lu saie chê creature là jù ce valôr che al à il timp, massime tune gnot di Avost come cheste? (Meni Ucel, Gnot di Avost);
al è dibant fevelâ di specialitât e di specialitât in pericul se no si le met in vore pardabon e ducj i dîs in maniere normâl (Marc Stolf, Italicum: simpri plui «nomen omen»);
il cont, che di zovin al jere stât in dutis lis parts dal mont, nol fevelave mai dibant e al puartave fûr simpri fats e documents (Riedo Pup, Il compromesso);
si sa, si strachisi plui a stâ dibant che no a lavorâ (Riedo Pup, I furlans e lis feriis)
Sin. par dibant -
av., adi.inv.
cence paiâ o cence jessi paiât:
chest librut al coste dîs solt, e si vent a benefizi de Sante Infanzie. Cui che a 'nt cjol siet, a 'nd varà un dibant (Zuan Batiste Galeri, Il furlan a messe);
«Fûr cinc francs prin di dut, inalore», al dîs Zepil. «No tu pretindarâs mighe che o vebin di disfamâti dibant!». (Meni Ucel, Il salam)
Sin. gratis , a gratis , a puf , par dibant , sore nuie -
inter.
tant che rispueste zentîl a un ringraciament:
"Se ti interesse o pues prestâtal il libri" "Magari, graciis sâstu?" "Dibant, dibant"
Sin. di nuie
- stâ dibant loc.v.
- a palâ nêf e a spacâ coculis, dut lavôr dibant
- al è dibant segnâsi cuant che il diaul al è jentrât
- al è miôr stâ dibant che no lavorâ dibant
- cjan vieli nol baie dibant
- cuant che no 'nd è te panarie, dibant meti sù la cjalderie
- dome che il mus al mene la code par dibant
- il cjan nol mene la code par dibant
- la femine di mâl fâ, al è dut dibant di fâle vuardâ
- nancje il cjan nol mene la code dibant
- nissun nol lavore dibant
- nome il mus al mene la code par dibant
- trê voris a son dibant: palâ nêf, bati coculis e copâ oms