Dizionari de Lenghe Furlane

striament  /-ènt/  stri|a|ment  [AF]

1. s.m. azion che e vûl produsi un efiet, soredut negatîf, midiant di fuarcis sorenaturâls:  tal stramaç e à za metût un flic di triangul di Pasche cuintri i striaments e il malvoli (Dino Virgili, La aghe da pît la cleve); cjatâ une strie a fâ striaments (Pieri Menis, Il «trono» dal von)
   Sin. strieç , incontradure , inmagament , magheç , magjie , scontradure , striarie , strioneç
   Cfr. fature , malvoli , trisvoli , bramazion , maledizion , malefici
2. s.m. (fig.) robe strambe o che no si capìs ben ce che e je, cemût che e funzione o ancje robe in sens gjeneric ma un pôc spreseatîf:  ancje il nestri mensîl si è modernizât doprant internet e ducj i striaments dal dì di vuê (Antoni Beline, Une lûs e une vôs che a durin di mieç secul)
   Sin. strieç , strambarie , tramai

Proverbis:

• sveltece nol è striament