fature
/-ù-/
fa|tu|re
[FO]
-
s.f.
[BF]
lavôr par fâ alc, spec. artesanâl:
a lerin di fichet là di Vigji gusiele par fâsi cjoli lis misuris e ordenâ la fature (Roberto Ongaro, Cretevierte)
-
[CO]
la maniere che alc al è fat:
un bielissim librut blu, inventât da Ric Losito e da me cun tantas cjartas di fatura diferent (la cjarta suga, la cjarta di risi, la cjarta velina…) (Giorgio Ferigo, In forma di peraulas…);
vot volums ilustrâts di grant formât e di biele fature (Adrian Cescje, Memoriis di politiche linguistiche)
-
s.f.
[FO]
sfuarç fisic o inteletuâl che al strache:
cun fature e cirive di distrigâsi al miôr, ma lis peraulis i vignivin fûr stentadis (Gianni Gregoricchio, Trê feminis);
a àn un lavôr di pocje fature, simpri a sotet e cu la mesade sigure (Josef Marchet, Lis predicjis dal muini)
Sin. impegn
, strussie
, travai
-
dificoltât:
il so segnâl si cjape di tantis bandis cun fature (Max Mauro, Un Friûl difarent: i 90 mhz di Onde Furlane)
-
s.f.
sensazion di jessi strac:
la malatie si menà daûr une grande fature e une pene par ducj, di cjoli, a voltis, il don di sperâ (Maria Forte, La tiere di Lansing)
Sin. cuete1
, scuniment
, sflacjerie
, strache
, strachece
, stracherie
, strachetât
, stracure
, fadie
-
s.f.
robe di fâ che e domande sfuarç:
la flabe di chê che e cirive il so amôr pierdût, che e veve jemplât siet fiascs di lagrimis, fruiadis siet pâr di scarpis e siet bastons di fier, e infin lu veve cjatât, dopo vê puartadis a bon fin lis faturis comandadis (Carlo Sgorlon, Il dolfin)
Sin. cefâ
, dafâ
, fadie
, impegn
, imprese
, lavorîr
, lavôr
, opare
, strussie
, travai
, vore
-
s.f.
[TS]
cum.
document cu la indicazion analitiche des marcjanziis o dai servizis dâts e cul cont dal cost:
l'impleât al cjale il scartafàs e i dîs: "Culì, paron, a mancjin lis faturis" (Alan Brusini, Amîs come prime)
-
s.f.
[BF]
magjie par fâ mâl:
no si sa mai, chê int a è buine di fâti une fature, un trist voli (Carlo Tolazzi, La salamandrie tal fûc)
Sin. bramazion
, magheç
, malvoli
, scontradure
, strieç
, tristvoli
, malefici
, maledizion
Proverbis:
- cence fature no si fâs nuie