vore
/-ó-/
vo|re
[FO]
-
s.f.
ativitât produtive o di servizi, in gjenar regolâr, paiade o che in ogni câs e da un profit economic:
libris di storie no 'nd veve plui lets. Nol veve vût plui timp, la vore lu veve cjapât dut (Agnul di Spere, Un cidinôr todesc);
so pari al jere muart e lui al veve scugnût cjatâsi di vore par mantignî la mari e i doi fradis piçui (Gianni Gregoricchio, Trê feminis)
Sin. mistîr
, ocupazion
, profession
, lavôr
Var. vuore
, uare
, voure
-
in riferiment ancje al puest dulà che si lavore:
mi racomandi: a siet justis in pont, a vore, lunis che al ven (Roberto Ongaro, Il muc)
-
timp impegnât a lavorâ:
tornâ a cjase, dopo vore, e cjatâ un fogolâr clip (Josef Marchet, Lis predicjis dal muini)
-
operazion ancje definide, setoriâl o limitade tal timp che si fâs par vê un risultât, un profit:
la stagjon dal modon e jere pronte e pal Invier no mancjavin voris: misturâ tiere, meti de bande il carant, comedâ bochins o stelazis sgombadis di nêf (Maria Forte, La tiere di Lansing)
-
ativitât definide che e vedi un ciert obietîf:
al è un fat che ancje in Friûl i partigjans si son dâts dongje seont il colôr politic, e che ducj i grops a vevin un che al faseve la vore di comissari politic (Francesc Placerean, Cuintristorie dal Friûl dal 1866 fint in dì di vuê)
Sin. funzion
, compit
, assum
, impegn
-
tal pl., complès des ativitâts che a coventin fatis par netâ e tignî in ordin la cjase, lavâ la robe e v.i.:
cuant che si cuietà, si sfuarçà di pensâ a lis voris dal indoman e massime a la grande lissie de setemane che i varès induliade la schene (Gianni Gregoricchio, Trê feminis);
lis feminis si baratavin lis voris di setemane in setemane, sot la cjaladure grintose di done Ane (Maria Forte, I arcs)
-
tal pl., complès des ativitâts dai contadins:
voris in campagne, cun chest timp, no si ‘nt fâs (Josef Marchet, Lis predicjis dal muini);
a spetavin il molâsi dal glaç e il timp da scuminçâ li vori pai prâts (Novella Cantarutti, Stagjon di rosi)
-
ancje tal pl., lavôr di costruzion:
lis voris a tacarin bot a sclop. Nol fo indificil par chel muredôr (Josef Cjargnel, Il puint dal Diaul)
-
s.f.
materiâl che si à di lavorâ o che si è daûr a lavorâ:
chê pene sierade dentri le faseve dulinciose cu lis scovolinis che i furnivin la vore [la sede] tal fornel (Maria Forte, Sul cjar di Pauli Gurin)
-
s.f.
risultât che al ven fûr de ativitât lavorative:
a garantissin la vore par chê dì e le finissin un mês plui tart (Josef Marchet, Lis predicjis dal muini)
Sin. opare
, lavôr
-
opare artistiche, leterarie o publicazion in gjenerâl:
la sô vore plui impuartante fin a cheste ete e je "Della vita e delle opere di Giulio Andrea Pirona", jessude tal 1897 (Donato Toffoli, Il lunari mai jessût - Tellini te prime vuere mondiâl);
Paolini al varès svilupât [il teme dal numar setenari] inte sô vore plui impuartante, lis Hebdomades (Mario Turello, Il brevet)
-
s.f.
(estens.)
cualsisei sorte di azion:
al tirava dongja fruçons di pan ta li grispi da li barghessi, cul cjâf bas e al era cussì incjapât ta chê vora che a nal mi badava par nua (Novella Cantarutti, L'uminin dai stecs)
-
s.f.
spec. tal pl., persone clamade a lavorâ la tiere, spec. in maniere stagjonâl o in moments che al covente cualchidun che al judi:
cumò sul cjar del fen tornin lis voris / cjacaruçant, e si sint il sivîl / del canaiot che al ingrume lis pioris (Enrico Fruch, Sere di Avost);
par lunis bisugne cjatâ almanco cuatri voris par taiâ il forment (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Polirematichis e espressions idiomatichis
Proverbis:
- amì de vore fate e nemì di chê disfate
- cui che al scomence masse voris no 'nt finìs nissune
- cui che al scomence une vore in dì di vinars no le finìs plui
- cui che ben al scomence al è a metât de vore
- fâ e disfâ e je dute vore
- la vore fate ben nissun domande cetant timp che si à stât a fâle
- lis voris si comandin bessolis
- trê voris a son dibant: palâ nêf, bati coculis e copâ oms
- tropis voris, pocje vore
