Dizionari de Lenghe Furlane

dâ di vore    [CO]

1. loc.v. dâ il materiâl o la pussibilitât par puartâ indevant un lavôr o, plui in grant, une ativitât economiche:  mi sbeleave, il stampadôr, e magari par une dade al spesseave a stampâ tant che une machine pal gust di fâmi cori di plui; e se no rivavi a dâi di vore, jù une arcade o une pidade a scalç (Pieri Menis, La scuele dai fornasîrs); i trê puarts dal Adriatic orientâl no àn e no puedin vê un hinterland talian che ur dei di vore (Josef Marchet, Sot di nissun)
2. loc.v. dâ un puest di vore, une ativitât paiade:  i plui vecjos si visin che [Cortâl] al veve cuatri mulins e che al deve di vore a un grum di int (Cristina Noacco, Faliscjis)

Components:

• dâ v.tr., v.intr.
• vore s.f.